ഇനി വേണം ചില മാറ്റങ്ങൾ

30 വയസ്സു കഴിഞ്ഞാൽ ചർമപരിപാലനത്തിൽ നിർബന്ധമായും ശ്രദ്ധിക്കേണ്ട കാര്യങ്ങൾ

- 

ചർമപരിചരണത്തിൽ നിർണായക പ്രായമാണ് 30 വയസ്സ്. ചർമത്തിലെ കൊളാജൻ കുറയുന്നതു മൂലം ചുളിവുകൾ വന്നുതുടങ്ങാം. ചർമത്തിലെ ജലാംശവും എണ്ണമയവും കുറയാം. അതുവരെ ഉപയോഗിച്ചിരുന്ന സ്കിൻ കെയർ ഉൽപന്നങ്ങൾ ചർമത്തിന്റെ യുവത്വം പിടിച്ചുനിർത്താൻ മതിയാകാതെ വരും.

മുപ്പതിനുശേഷം ചർമപരിപാലനത്തിൽ ശ്രദ്ധിക്കേണ്ട, ഉൾപ്പെടുത്തേണ്ട ചിലതറിയാം. വിദഗ്ധ നിർദേശത്തോടെ ഓരോരുത്തരുടെയും ചർമത്തിനു ചേരുന്ന ഉൽപന്നങ്ങൾ തിരഞ്ഞെടുക്കുന്നതാണു നല്ലത്.

ഹൈഡ്രേഷൻ പ്രധാനമാണ്

ആന്റി എയ്ജിങ് ചർമപരിചരണത്തിൽ പ്രധാനമായി ശ്രദ്ധിക്കേണ്ട കാര്യമാണ് ഹൈഡ്രേഷൻ. പ്രായം മുന്നോട്ടു പോകുമ്പോൾ ചർമത്തിലെ വരൾച്ച വർധിക്കും. ഇതു ചുളിവുകൾ വീഴാനിടയാക്കും.

ദിവസം രണ്ടു തവണ ഹൈഡ്രേറ്റിങ്ടോണകൾ ഉപയോഗിക്കണം. റോസ് വാട്ടർ വേപ്പില വാട്ടർ എന്നിങ്ങനെയുള്ള ടോണറുകൾ നല്ലതാണ്. ചർമത്തിൽ വരൾച്ച കൂടുതലുള്ളവർക്ക് വൈറ്റമിൻ ഇ അടങ്ങിയ ടോണർ നന്നായിരിക്കും.

സൾഫേറ്റും സുഗന്ധവും ഇല്ലാത്ത സൗന്ദര്യസംരക്ഷണ ഉൽപന്നങ്ങൾ തിരഞ്ഞെടുക്കുക. എന്നിരുന്നാലും അലർജി ടെസ്റ്റ് നടത്തി പ്രശ്നങ്ങളൊന്നുമില്ലെന്ന് ഉറപ്പാക്കിയ ശേഷമേ ഉപയോഗിക്കാവൂ.

ഒപ്പം ദിവസം മൂന്നു ലീറ്റർ വെള്ളം കുടിക്കാ നും ശ്രദ്ധിക്കണം. വെള്ളം കുടിക്കാൻ മറക്കുന്നവർ ഫോണിൽ റിമൈൻഡർ വച്ചാണെങ്കിലും കൃത്യമായി വെള്ളം കുടിക്കണം. ചർമത്തിലെ ജലാംശം നില നിർത്തുന്നതിൽ വെള്ളം കുടിക്കു പ്രധാന പങ്കുണ്ട്.

വൈറ്റമിൻ സി സിറം വേണം