தலைவிரித்தாடும் 'வீடியோ கேம்' விபரீதம்!

குழந்தைகளின் மூளை வளர்ச்சியை மெல்ல மெல்லச் சிதைக்கும் வீடியோ கேம்களில் புதைந்துள்ள ஆபத்து குறித்து பல்வேறு விழிப்புணர்வு ஏற்படுத்தியும் மாற்றம் நிகழவில்லை என்பது வருத்தமானது.

- 

இணையத்தோடு வாழ்ந்த ஜென் இசட் (Gen Z) தலைமுறையில் 74 விழுக்காட்டினர் சராசரியாக வாரத்திற்குக் குறைந்தது 6 மணிநேரத்திற்கு செல்லிடப்பேசியில் விளையாடுவதாக ஆய்வு கூறுகிறது.

குருகிராமை மையமாகக் கொண்ட சைபர் மீடியா ரிசர்ச் எனும் அமைப்பு நாடு முழுவதும் டெல்லி, மும்பை, பெங்களூரு, சென்னை, இந்தூர் உள்ளிட்ட 10 நகரங்களில் 1,550 பேரிடம் நடத்திய ஆய்வில் இந்தத் தரவுகள் வெளிவந்துள்ளன.

குறிப்பாக, 13 முதல் 28 வயது வரையிலான Gen Z தலைமுறையினர் கேமிங்கில் ஆதிக்கம் செலுத்தி வருகின்றனர். மேலும், வீடியோ

கேம்களை ஒரு பொழுதுபோக்காக விளையாடும் போக்கு மாறி தீவிரமான ஈடுபாட்டுடன் விளையாடும் போக்கு அதிகரித்து வருவதாகவும் வல்லுநர்கள் கூறுகின்றனர்.

கேமிங்கில் ஒவ்வொரு சுற்றையும் வெல்லும்போது, நாணயங்கள், ஜெம்ஸ், புள்ளிகள் போன்றவை கிடைக்கும். அதைக் கொண்டு வேறு சில ஆற்றல் கொண்டவர்களைப் பெற முடியும்.

ஒவ்வொரு சுற்றும் அதிகபட்சம் 2 அல்லது 3 நிமிடங்கள் வரை மட்டுமே இருக்கும். எனவே தோற்றாலும் மீண்டும் உடனே விளையாடி வெற்றி பெற்றுவிடலாம்' என்கிறார்கள் இளைஞர்கள்.

சிறு வயது முதலே வீட்டில் தனியாக இருக்க வேண்டிய சூழல் இருந்ததால், கேம் விளையாடுவது குழந்தைகளுக்குப் பழக்கமாகிவிடுகிறது.

இதுபோன்ற அம்சங்கள் விளையாடும் அனுபவத்தை உண்மைக்கு நெருக்கமானதாகக் கொண்டு வருகின்றன. சில கேம்களை ஆடத் தொடங்கினால் ஏழு அல்லது எட்டு மணிநேரம் வரை தொடர்ந்து ஆடுகிறார்கள்.

இப்போது வேலைக்குச் செல்வதால், வேலைக்கு இடையில் சிறிது நேரம் கிடைக்கும்போது செல்லிடப்பேசியில் விளையாடுகிறார்கள். வார இறுதி நாட்களில் மட்டும் கணினியில் ஆடுபவர்களும் இருக்கிறார்கள்.

கேமிங் எனும் மெய்நிகர் உலகில் ஈடுபாடு அதிகரிக்கும்போது, எதார்த்த உலகில் ஈடுபாடு குறைந்து விடும் என எச்சரிக்கிறார்கள் மனநல மருத்துவர்கள்.

இது குறித்து அவர்கள் மேலும் கூறும்போது, 'நண்பர்கள், குடும்பத்தினருடன் நேரம் செலவழிப்பது குறைந்துவிடும். அந்த உலகில் இருக்கும் நபர்களையே தங்கள் நண்பர்களாகப் பாவித்துக் கொள்வர்.

அவர்களின் உணர்வுத் தேவைகளும் கேம்களில் பூர்த்தி அடைந்துவிடும். ஒரு செயலை நாம் சாதிக்கும்போது, அல்லது செய்து முடிக்கும்போது, ஒரு பரிசு அல்லது பாராட்டைப் பெறும்போது, மூளையில் டோபமைன் சுரக்கும்.