முதல் கடமை!

இளம் வயதிலேயே தொழிலதிபர் என்ற பட்டத்தைப் பெற்ற கனகசுந்தரத்திற்கு, தான் எத்தனை தொழில்களை செய்துவருகிறோம் என்பதுகூட தெரியாது.

- நன்னிலம் இளங்கோவன்

அந்த அளவிற்கு அவரது தொழில் பரந்து விரிந்து இருந்தது.

தோற்றத்தில் எந்தவொரு ஆடம்பரமும் இல்லாமல் எப்போதும் வேட்டிச் சட்டையில் எளிமையாகக் காட்சியளிப்பார்.

தனது வீட்டு வரவேற்பு அறையில், அன்றைய செய்தித் தாளை வாசித்துக் கொண்டிருந்த வரை, 'அய்யா' என்று அழைத்தார் அவரது உதவியாளர் ராகவன்.

ராகவன் சொல்லுங்க, அய்யா தங்களை நேரில் பார்த்து பேட்டி ஒன்று எடுப்பதற்கு, தொலைக் காட்சி நிறுவனத்திலிருந்து ஒருவர் வந்திருக்கிறார்.

எப்போது அவரை வரச் சொல்ல வேண்டும்?

இன்று மாலை 5 மணிக்கு வரச் சொல்லுங்கள் என்றார் கனக சுந்தரம்.

பேட்டி எடுப்பவர் மற்றும் ஒளிப்பதிவாளர் ஆகிய இருவரும், கனகசுந்தரத்தின் வருகைக்காக வீட்டின் மேல்தளத்தில் காத்திருந்தனர்.

வேட்டிச் சட்டையுடன், எளிய உடையில் வந்த கனக சுந்தரத்தைப் பார்த்த பேட்டியாளர், அய்யா, இதே உடையோடு தங்களை பேட்டி எடுக்கலாமா? என்று கேட்டதும் கனகசுந்தரம் இதுதான் என்னுடைய உடை.

நான் எப்போதும் இந்த உடையோடு தான் இருப்பேன் என்பது உங்களுக்குத் தெரியாதா ? என்றார்.

அய்யா! மன்னித்து விடுங்கள் பேட்டியைத் துவங்கலாமா? என்றார் பேட்டியாளர்.

வணக்கம்! இத்தனை இளம் வயதில் தாங்கள் பெரிய தொழிலதிபராக உயர்ந்திருப்பதற்கு, எங்கள் தொலைக்காட்சியின் சார்பாக முதலில் வாழ்த்துக்கள்...