പാതിവഴിയിൽ സുധി...

അവിചാരിത വിയോഗത്തിൽ മലയാളക്കരയെ ഒന്നടങ്കം നൊമ്പരത്തിലാഴ്ത്തി സുധി കൊല്ലം.

- പ്രേം ടി. നാഥ്

സിനിമ ടെലിവിഷൻ താരവും കൊല്ലം മിമിക്രി ആർട്ടിസ്റ്റുമായ സുധിയുടെ വാഹന അപകട മരണവാർത്ത ഞെട്ടലോടെയാണ് കഴിഞ്ഞവാരം നാം കേട്ടത്. സിനിമകളിലും ടി.വി. ഷോകളിലും മലയാളികളെ ഏറെ ചിരിപ്പിച്ച നടനായിരുന്നു ഈ കലാകാരൻ. തന്റെ ജീവിതയാത്രയിൽ ഏറെ കഷ്ടതകളും യാതനകളും അനുഭവിച്ചു വളർന്ന സുധി ഏത് പ്രതിസന്ധി ഘട്ടങ്ങളിലും കല കൈവിടാൻ തയ്യാറായിരുന്നില്ല. കുടുംബപരമായ പ്രശ്നങ്ങൾ കാരണം കൈക്കുഞ്ഞുമായി സ്റ്റേജുകളിൽ നിന്നും സ്റ്റേജുകളിലേക്ക് പോകുന്ന സാഹചര്യങ്ങൾ വരെ ഈ ആർട്ടിസ്റ്റിന് തന്റെ സ്വപ്ന സാഫല്യത്തിനായി അനുഭവിക്കേണ്ടി വന്നിട്ടുണ്ട്.