ഓണക്കാലത്ത് തീയറ്ററിൽ യുവതയുടെ ആഘോഷം

ഒരു കാലത്ത് മുതിർന്ന താരങ്ങൾ ആഘോഷമാക്കിയിരുന്ന സിനിമാ വിപണി ഇപ്പോൾ യുവതാരങ്ങൾ കയ്യടക്കി കഴിഞ്ഞു.

- പ്രേം ടി. നാഥ് മൊ: 9847007752

മലയാള സിനിമയുടെ ഏറ്റവും വലിയ ഉത്സവ സീസണാണ് ഓണ ക്കാലം, സൂപ്പർ താരങ്ങളും സംവിധായകരും മികച്ച ബാനറുകളും മ ത്സരിച്ച് വമ്പൻ ഹിറ്റുകൾ സമ്മാനിച്ച കാലം ഇനി വെറും ഓർമ്മകളായി മാറുകയാണ്. കഴിഞ്ഞ മൂന്നു വർഷവും കോവിഡിനെ നാം പഴി ചാരിയെങ്കിലും സർവ്വ മേഖലകളും സജീവമായിട്ടും ഈ സീസൺ ഉപയോഗപ്പെടുത്താൻ മലയാള സിനിമകൾക്ക് കഴിഞ്ഞിട്ടില്ല എന്നത് ഖേദകരമാണ്. കഴിഞ്ഞ വിഷുവും ബക്രീദും ക്രിസ്തുമസുമൊക്കെ മലയാള സിനിമയ്ക്ക് ആഘോഷമാകാതെ കടന്നുപോയപ്പോൾ സൂപ്പർ താര ചിത്രങ്ങളുടെ അഭാവം നമ്മുടെ സിനിമാ വ്യവസായത്തിന്റെ വളർച്ചയ്ക്ക് പ്രധാന ഘടകമാകേണ്ട തിയേറ്റർ പ്രേക്ഷകരുടെ കാഴ്ച ശീലത്തിന് സ്വാഭാവികമാറ്റം സംഭവിക്കുകയായിരുന്നു.