ആത്മവിശ്വാസ ഉയരം

വഴിത്തിരിവ്-ഗിന്നസ് പക്രു  വിവിധ മേഖലകളിൽ ശ്രദ്ധേയരായവർ തങ്ങളുടെ ജീവിതത്തിൽ വഴിത്തിരിവായ സന്ദർഭങ്ങൾ പങ്ക് വയ്ക്കുന്നു.

- ഉമ ആനന്ദ്

സലിംകുമാറിന് പിന്നാലെ...

 ‘ജനിച്ചത് കൊല്ലത്താണെങ്കിലും വളർന്നതും പഠിച്ചതും കോട്ടയത്ത്. ഇപ്പോൾ ഒരു പതിറ്റാണ്ടായി ചോറ്റാനിക്കരയിൽ. അച്ഛൻ രാധാകൃഷ്ണപിള്ളയുടേയും അമ്മ അംബുജാക്ഷി അമ്മയുടേയും മൂന്നു മക്കളിൽ മൂത്തവനാണ് ഞാൻ. അച്ഛന് കലാപരമായ ബന്ധം ഉണ്ടായിരുന്നു. അച്ഛൻ കാഥികനുമായിരുന്നു. അച്ഛന്റെ സുഹൃത്തുക്കളും കലാകാരന്മാരായിരുന്നു.

എൽ.പി. സ്കൂളിൽ പഠിക്കുമ്പോൾ യുവജനോത്സവത്തിന് അധ്യാപകർ നിർബന്ധിച്ച് ചേർത്തു. സത്യം പറഞ്ഞാൽ എണ്ണം തികയ്ക്കാൻ വേണ്ടിയായിരുന്നു അത്. അജയൻ എന്തെങ്കിലും ചെയ്തേ പറ്റൂ എന്ന് തീർത്ത് പറഞ്ഞു. ഞാൻ ഇത് വീട്ടിൽ അവതരിപ്പിച്ചപ്പോൾ അച്ഛൻ തന്റെ സുഹൃത്തിനോട് പറഞ്ഞ് ഒരു കഥാപ്രസംഗം എഴുതിച്ചു. ആ കഥയും കൊണ്ടാണ് ആദ്യമായി അരങ്ങത്തേക്ക് വരുന്നത്. പിന്നെ ഐറ്റങ്ങളുടെ എണ്ണം കൂടി. ഫാൻസി ഡ്രസ്, മോണോ ആക്റ്റ് തുടങ്ങിയ പരിപാടികളും ചെയ്തു തുടങ്ങി. അപ്പോഴാണ് മറ്റു കുട്ടികൾ മിമിക്രി ചെയ്യുന്നത് ശ്രദ്ധയിൽപ്പെടുകയും അഭിനിവേശം തോന്നി അത് നിരീക്ഷിച്ച് പഠിക്കാൻ തുടങ്ങുകയും ചെയ്യുന്നത്. 1992-ൽ വളരെ ചെറിയ വ്യത്യാസത്തിലാണ് കലാപ്രതിഭ സ്ഥാനം നഷ്ടപ്പെട്ടത്. പ്രീഡിഗ്രി ഒന്നാം വർഷം എറണാകുളം മഹാരാജാസിലാണ് മത്സരം. ഒന്നാം സ്ഥാനം സലീം കുമാറിന് രണ്ടാം സ്ഥാനം എനിക്ക്. മുന്നാം സ്ഥാനം ടിനി ടോമിന്. മിമിക്രി പെട്ടെന്ന് ചെയ്യാൻ കഴിയുന്ന ഒന്നല്ല. ശരിക്ക് പ്രാക്ടീസ് ചെയ്യേണ്ട ഒന്നാണ്. മാതൃഭൂമി സ്റ്റഡി സർക്കിൾ, ബാലജനസ ഖ്യം, മംഗളം കലാസാഹിത്യ വേദി തുടങ്ങിയ കലാ പ്രസ്ഥാനങ്ങളിൽ വേദികൾ ലഭിച്ചു.

വേദനയായ് ആദ്യ സിനിമ