Tonnel bly toe

Herstelwerk aan die Hugenote-tonnel tussen Paarl en Worcester kan tot twee weke duur.

- Rasaad Adams

Só het die Suid-Afrikaanse Nasionale Padagentskap (Sanral) Sondag in 'n verklaring gesê.

Dit volg nadat 'n bus Vrydagaand (3Oktober) omstreeks 23:00 in die tonnel aan die brand geraak en dit skade aan die tonnel se betonvoering, beligting, kommunikasieen brandopsporing-stelsels asook die ventilasiestelsel aangerig is.

Die bus was glo van Mthatha na Kaapstad onderweg.

Volgens die Drakenstein-munisipaliteit het 'n voorlopige ondersoek bevind dat die bus glo 'n elektriese fout ervaar het.

Alle passasiers is veilig ontruim.

'n Brandbestryder het geringe beserings opgedoen en is na die hospitaal geneem.

Volgens Lwando Mahlasela, 'n provinsiale woordvoerder vir Sanral, is die agentskap nog besig om die strukturele integriteit van die betrokke gedeelte van die tonnel te bepaal.