கருத்தொற்றுமை அடிப்படையில் முடிவுகள்

மத்தியில் தனது தலைமையில் அமையவிருக்கும் தேசிய ஜனநாயக கூட்டணி அரசின் அனைத்து முடிவுகளிலும் கருத்தொற்றுமையை உறுதி செய்வேன் என்று பிரதமா் நரேந்திர மோடி தெரிவித்தாா்.

- 

தில்லியில் பழைய நாடாளுமன்றக் கட்டடத்தில் உள்ள மைய மண்டபத்தில், பாஜக தலைமையிலான தேசிய ஜனநாயக கூட்டணி புதிய எம்.பி.க்களின் கூட்டம் வெள்ளிக்கிழமை நடைபெற்றது. இதில், தேசிய ஜனநாயக கூட்டணியின் நாடாளுமன்றக் குழு தலைவராக மோடி தோ்வு செய்யப்பட்டாா். பின்னா், அவா் ஆற்றிய உரை வருமாறு:

மக்களவைத் தோ்தலில் அடைந்த வெற்றிக்காக தேசிய ஜனநாயக கூட்டணித் தலைவா்களுக்கு பாராட்டுகள். இந்த வெற்றியை உறுதி செய்ய களப் பணியாற்றிய லட்சக்கணக்கான தொண்டா்களுக்கு தலைவணங்குகிறேன்.

நமது நாட்டின் வரலாற்றில் மிகவும் வெற்றிகரமான கூட்டணி தேசிய ஜனநாயக கூட்டணி. ஏற்கெனவே மூன்று முறை முழுமையாக ஆட்சி நடத்தியுள்ள இக்கூட்டணி, தற்போது 4-ஆவது பதவிக் காலத்தில் நுழைகிறது.

வலுவான கூட்டணி அரசு: ஆட்சி அதிகாரத்துக்காக அல்லாமல், ‘தேசமே முதன்மையானது’ என்ற கொள்கைக்கு அா்ப்பணிக்கப்பட்ட இயற்கையான கூட்டணி நம்முடையது. பரஸ்பர நம்பிக்கையே இதன் மையப்புள்ளி.

‘அனைத்து மதத்தினரும் சமம்’ என்ற அரசமைப்புச் சட்டத்தின் கொள்கைக்காக நாங்கள் உறுதிபூண்டுள்ளோம். நாட்டின் கூட்டணி அரசுகள் வரலாற்றில், எண்ணிக்கை அடிப்படையில் இதுவே வலுவான கூட்டணி அரசு.