காத்து வாக்குல 2 கல்யாணம் தில்லாலங்கடி நர்சின் லீலைகள்

கன்னியாகுமரி மாவட்டம், அஞ்சுகிராமம் அருகே உள்ள மயிலாடி பகுதியை சேர்ந்தவர் அஜித்குமார் (26). கொத்தனார். இவரது மனைவி அபிஷா (22). இவர்களுக்கு திருமணமாகி 2 ஆண்டுகள் ஆகின்றன. அபிஷாவின் சொந்த ஊர் குலசேகரம் அருகே உள்ள தும்பகோடு. திருமணத்துக்கு பின் அஜித்குமார் தனது மனைவி அபிஷாவின் வீட்டில் வசித்து வந்தார். அபிஷா அருமனை சந்திப்பில் உள்ள தனியார் மருத்துவமனையில் தங்கி நர்சாக பணியாற்றினார். கடந்த 2ம் தேதி விடுமுறை முடிந்து வேலைக்கு சென்ற அபிஷா, அதன் பின்னர் அஜித்குமாரை தொடர்பு கொள்ளவில்லை. இதனால் தனது மனைவி எங்கே என்று அஜித்குமார் தேடி வந்த நிலையில், இன்ஸ்டாகிராமில் அபிஷா வேறொரு வாலிபரை 2வதாக திருமணம் செய்த வீடியோக்கள் வெளியானது.

- 

இதையடுத்து, தனது மனைவியை மீட்டு தருமாறு அருமனை காவல் நிலையத்தில் புகார் அளித்து கதறினார்.

இன்ஸ்டாகிராமில் பழக்கம்

அபிஷாவை 2வதாக மணம் முடித்த வாலிபர் போலீசாரிடம் கூறுகையில், 'இரு ஆண்டுகளுக்கு முன், இன்ஸ்டாகிராம் மூலம் தான் எனக்கு அபிஷா அறிமுகம் ஆனார். முதலில் நண்பர்களாக இருந்தோம். அவளிடம் எனக்கு பெண் தேடும் படலம் நடப்பதாக கூறினேன். அப்போது அவர் எனக்கும் வீட்டில் மாப்பிள்ளை தேடுகிறார்கள். எனவே, நண்பர்களாக இருக்கும் நாம், இல்லறத்தில் இணைந்து விடுவோம் என்றார். எங்கள் வீட்டில் இந்த திருமணத்துக்கு சம்மதிக்க மாட்டார்கள். உனது வீட்டில் மட்டும் சம்மதம் வாங்கி, திருமணம் செய்வோம். பின்னர் எனது வீட்டுக்கு செல்வோம் என கூறினார். இதையடுத்து நாங்கள் திருமணம் செய்து கொண்டோம்' என்றார்.