ഐലൻഡിലേക്കുള്ള ചുവടുമാറ്റം

പഴയ വലിയ അടുക്കളയ്ക്ക് കൃത്യമായ വർക് ട്രയാങ്കിൾ നൽകി പുതുക്കിയപ്പോൾ ജോലി കൂടുതൽ എളുപ്പമായി

- 

ആർക്കിടെക്ട് സൂര്യയുടെ തറവാട്ടിലെ അടുക്കളയാണിത്. വളരെ വലിയ, പരന്നു കിടക്കുന്ന അടുക്കള. അത്രയും വലുപ്പത്തിന്റെ ആവശ്യമില്ല എന്നു വീട്ടുകാർ കാലക്രമേണ മനസ്സിലാക്കി. സ്റ്റൗ, സിങ്ക്, ഫ്രിജ് എന്നിവ കൃത്യ അകലത്തിൽ വരുന്ന വർക് ട്രയാങ്കിൾ പാലിച്ചാൽ ജോലി കൂടുതൽ എളുപ്പമാകുകയും ചെയ്യും.

വലിയ അടുക്കളയായതിനാൽ എങ്ങനെ വേണമെങ്കിലും മാറ്റാം എന്ന നേട്ടമുണ്ടായിരുന്നു. ഐലൻഡ് കിച്ചൻ ആക്കിയതോടെ അടുക്കള കൂടുതൽ വൃത്തിയും വെടിപ്പുമുള്ളതുമായി മാറി.