വയനാടിൻ ഉള്ളറിഞ്ഞ്, ഉയിരു തേടി

പ്രത്യക്ഷത്തിൽ ആധുനികമായി തോന്നുമെങ്കിലും, ഉരുൾ' എന്ന ഈ ഭവനം ഭൂമിയോട് അത്രമേൽ പറ്റിച്ചേർന്നിരിക്കുന്നു

- സോന തമ്പി

പാറയുള്ള സ്ഥലത്തു വീടു പണിയുമ്പോൾ ഒരായിരം കാര്യങ്ങൾ നോക്കണം. അതിനുവേണ്ടി ആർക്കിടെക്ട് ടീം ഇവിടെ ആറ് മാസത്തോളമാണ് പഠനം നടത്തിയത്.

റോഡ് നിരപ്പിൽ നിന്ന് ആറ് മീറ്ററോളം ഉയരത്തിൽ കിടക്കുന്ന 50 സെന്റോളം വരുന്ന പ്ലോട്ടിൽ സാമ്പ്രദായിക രീതിയിലുള്ള വീട് അല്ല വീട്ടുകാർ ആവശ്യപ്പെട്ടത്. പ്രകൃതിയുടെ ഭാവങ്ങൾ ആസ്വദിക്കാൻ പാകത്തിൽ കോട്ടേജ് രീതിയിലുള്ള വീടായിരുന്നു അവരുടെ മനസ്സിൽ.

സൈറ്റിലെ മൂന്ന് ഘടകങ്ങൾ

പ്ലോട്ടിനു പിറകിലെ പാറയുള്ള കുന്നിൻ ചരിവ്, ടൂറിസ്റ്റ് കേന്ദ്രമായ ചെമ്പ്ര മലനിരകളുടെ കാഴ്ച, പ്ലോട്ടിനു മുൻവശത്തുള്ള വീട്ടി... ഇതു മൂന്നും പരിഗണിച്ചാണ് ഡിസൈൻ. എതിർവശ ത്തെ സ്ഥലം കാണാൻ വന്ന ബോബി ഈ പ്ലോട്ടിലെ വീട്ടിയുടെ തണൽ ആസ്വദിക്കാൻ ഇടയായതാണ് കഥയിലെ ട്വിസ്റ്റ്. അതോടെ ഈ പ്ലോട്ട് സ്വന്തമാക്കി. അതുകൊണ്ട്, വീട്ടിയെ കളയാതെ വേണം വീട് എന്നതും വീട്ടുകാർ ആവശ്യപ്പെട്ടിരുന്നു. മാസ്റ്റർ ബെഡ്റൂമിനോട് അടുത്തു വരുന്ന രീതിയിലാണ് വീട്ടിയുടെ സ്ഥാനം.