ബജറ്റിലൊതുങ്ങി പുതുക്കാം

150 വർഷം പഴക്കമുള്ള വിട് വാസ്തും നിയമങ്ങൾ പാലിച്ച് പുതുക്കിയപ്പോൾ.

- 

നൂറ്റിയൻപതു വർഷത്തെ പഴക്കമാണ് ഈ പ്രോജക്ടിലേക്ക് എന്നെ ആകർഷിച്ച ഒന്നാമത്തെ ഘടകം. വീടിന്റെ പാരമ്പര്യവും തനിമയും നിലനിർത്താനുള്ള വീട്ടുകാരുടെ ആഗ്രഹം എന്റെ താൽപര്യങ്ങളുമായി ചേരുന്നതായി തോന്നി. നാല് തലമുറകളാണ് ഈ വീട്ടിലുള്ളത്. ഓരോരുത്തരോടും സംസാരിച്ചപ്പോൾ മറ്റുള്ള അംഗങ്ങളുടെ ഇഷ്ടങ്ങളെക്കുറിച്ചാണ് അവർ വാചാലരായത്. നിസ്വാർഥമായ ഈ സമീപനവും ഈ പ്രോജക്ടിലേക്ക് ആകർഷിക്കാൻ കാരണമായി.

പഴയ കാര്യങ്ങൾ എത്ര ശതമാനത്തോളം പുനരുപയോഗിക്കാനും നിലനിർത്താനും സാധിക്കും എന്നതിലാണ് പുതുക്കിപ്പണിയലിന്റെ വിജയം. നിലനിർത്തുന്ന മുറികളുടെയും സാമ ഗ്രികളുടെയും ഉപയോഗക്ഷമത കൂടി ശ്രദ്ധിക്കണം. വീട്ടുകാരു ടെ ആവശ്യങ്ങൾക്കനുസരിച്ച് ഇത് തീരുമാനിക്കാം. ഉദാഹരണത്തിന് ഇവിടെ നിലനിർത്തിയ ചില മുറികൾക്ക് വലുപ്പം കുറവാണ്. പക്ഷേ, വീട്ടുകാർക്ക് അതിനോട് എതിർപ്പുണ്ടായിരുന്നില്ല.