மார்பக புற்றுநோய் தடுப்பது எப்படி?

உலகில் மனிதர்களுக்கு 'இதய நோய்களுக்கு வரும் கொடிய நோய்களில், அடுத்தபடியாக புற்றுநோய் இருக்கின்றது. 2021 ஆம் ஆண்டில் இரண்டு கோடியே எழுபத்து மூன்று இலட்சமாக இருந்த புற்றுநோயாளிகளின் எண்ணிக்கை வரும் 2025ஆம் ஆண்டில் மூன்று கோடியை நெருங்கும் என்கிற கணிப்பின் மூலம் இதன் தாக்கத்தை உணரலாம்.

- சித்த மருத்துவர் காமராஜ்

புற்றுநோய் என்பது: 

பொதுவாக, மனிதச்செல்கள் வளர்ந்து பின்னர் 'செல்பிரிதல்' (Cell Division) முறை மூலம், உடலுக்குத் தேவையான புதிய செல்களாக உருவாகின்றன. அவ்வாறு உருவான செல்கள் நாள்பட நாள்பட முதிர்ந்து அல்லது சிதைந்து இறந்துவிடுவதால், அவற்றின் இடங்களில் புதிய செல்கள் உருவாகும்.

இந்த செல்லழிவுதான் (A-pop-TOH-sis) (முறையான செல்லழிவு- Programmed Cell Death) என்பர். இவ்வாறு முறையான செல்லழிவைத் தொடர்ந்து, செல் உற்பத்தி நிகழ்வதால்தான் மனித உடல் ஆரோக்கியமாக இருக்கிறது.