നായ്ക്കളിൽ രക്തദാനം

അരുമകൾ

- ഡോ. ജോബി ജോർജ് മെഡിക്കൽ ഡയറക്ടർ, പെറ്റ് ട്രസ്റ്റ് വെറ്ററിനറി സ്പെഷ്യൽറ്റി ഹോസ്പിറ്റൽ, കാക്കനാട്, എറണാകുളം. ഫോൺ: 6235806115

മൃഗങ്ങൾക്കും വിവിധ സാഹചര്യങ്ങളിൽ അതേ വർഗ ത്തിൽപ്പെട്ട മറ്റൊരു മൃഗത്തിൽനിന്നു രക്തം സ്വീകരിക്കേണ്ടതായി വരാം. അരുമചികിത്സ കൂടുതൽ വികസിച്ചതു കൊണ്ടുതന്നെ രോഗം കൃത്യമായ പരിശോധനകളിലൂടെ തിരിച്ചറിഞ്ഞ് ഉചിതമായ ചികിത്സ നൽകാൻ ഇന്നു സാധ്യമാണ്. കാൻസർ ചികിത്സ, ഡയാലിസിസ് തുടങ്ങിയവയൊക്കെ ഇന്ന് മൃഗങ്ങൾക്കും ചെയ്യുന്നു.

അനീമിയ, രക്തനഷ്ടം അല്ലെങ്കിൽ രക്തം കട്ടപിടിക്കൽ എന്നീ അവസ്ഥകളിൽ നായ്ക്കളെ രക്ഷിക്കാൻ രക്തപ്പകർച്ച അഥവാ ബ്ലഡ് ട്രാൻഷൻ ചെയ്യേണ്ടതുണ്ട്. ഓക്സിജന്റെ അളവ് പുനഃസ്ഥാപിക്കാനും ഗുരുതരമായ രോഗാവസ്ഥയെ അതിജീവിക്കാനും രക്തപ്പകർച്ച സഹായിക്കുന്നു.

രക്തപ്പകർച്ച എപ്പോൾ

രക്തദാനം ആവശ്യമായി വരുന്ന ഘട്ടങ്ങൾ താഴെ: വലിയ തോതിൽ രക്തനഷ്ടം: പരുക്ക്, ശസ്ത്രക്രിയ അല്ലെങ്കിൽ ആന്തരിക രക്തസ്രാവം (ഉദാ: വിണ്ടുകീറിയ ട്യൂമർ, ആമാശയ അൾസർ).

അനീമിയ: ഇമ്യൂൺ-മെഡിയേറ്റഡ് ഹീമോലിറ്റിക് അനീ മിയ (IMHA), വൃക്കരോഗം, വിട്ടുമാറാത്ത ചില രോഗ ങ്ങൾപോലുള്ള അവസ്ഥകളിൽ അനീമിയ (രക്തക്കുറവ്) ഉണ്ടാകാം.