പ്രായം പ്രശ്നമല്ല

കഥക്കൂട്ട്

- തോമസ് ജേക്കബ്

പ്രായക്കൂടുതൽ വിവാഹത്തിന് ഒരു തടസ്സമാകാറുണ്ടോ? ഉണ്ടെങ്കിൽ അത് സാധാരണക്കാരുടെ കാര്യത്തിൽ മാത്രമാണ്. പ്രശസ്തർക്ക് അത് ഒരു ഭൂഷണമാണ്.

അൻപതു വയസ്സിലേറെ പ്രായമുള്ള ചലച്ചിത്ര സംവിധായകൻ ശങ്കരൻ നായരും ഇരു പതു വയസ്സുമാത്രം പ്രായമുള്ള ചലച്ചിത്ര നടി ഉഷാറാണിയും തമ്മിലുള്ള വിവാഹത്തി നു മുൻകൈ എടുത്തത് ഉഷാറാണി തന്നെയാണ്. കുടുംബസുഹൃത്തെന്ന നിലയിൽ കുട്ടിക്കാലം മുതൽക്കേ അറിയാമായിരുന്ന അവിവാഹിതനായ ശങ്കരൻ നായരോട് തന്നെ വിവാഹം ചെയ്യുമോ എന്ന് ഒരു ദിവസം ഉഷാറാണി ചോദിക്കുകയായിരുന്നു.

വിവാഹിതരാവുമ്പോൾ ചലച്ചിത്രതാരങ്ങൾ ദിലീപ്കുമാറിന് നാൽപത്തിനാലും സെയ്താബാനുവിന് ഇരുപത്തിരണ്ടും വയസ്സ്.

വിവാഹത്തിന് നിയമങ്ങളുടെയോ താലിയുടെയോ ബലമില്ലാതെ ഭാര്യാഭർത്താക്കന്മാരായി ജീവിക്കാൻ സംഗീത ചക്രവർത്തി ഭൂപൻ ഹസാരികയും കല്പന ലജ്മിയും 1961ൽ തീരുമാനിക്കുമ്പോൾ ഭൂപനു നാൽപത്തഞ്ചും കൽപനയ്ക്കു പതിനേഴും വയസ്സാണ്.

സൽമാൻ റുഷ്ദി നാലാം വിവാഹത്തിന് പത്മയെ ചേർത്തു നിർത്തുമ്പോൾ അദ്ദേഹത്തിന് 25 വയസ്സു പ്രായം കൂടുതലുണ്ടായിരുന്നു.

കഥകളി നടൻ മടവൂർ വാസുദേവൻ നായർ വിവാഹം കഴിക്കുമ്പോൾ അദ്ദേഹത്തിനു വധുവിന്റെ ഇരട്ടി പ്രായമുണ്ടായിരുന്നു. സാവിത്രിക്കു പതിനെട്ടും മടവൂരിന് മുപ്പത്താറും.