എന്നെ ഞാനാക്കിയ ‘പഞ്ചാഗ്നി

പഞ്ചാഗ്നി, വടക്കൻ വീരഗാഥ, വൈശാലി, ഋതുഭേദം, അമൃതംഗമയ എന്നീ എംടി ചിത്രങ്ങളിലൂടെ മലയാള മനസ്സു കീഴടക്കിയ ഗീത.

- ഗീത

ആന്ധ്ര സ്വദേശിയായ ഞാൻ 1979 ൽ ആണ് സിനിമയിൽ വന്നത്. പിന്നീട് ആറു വർഷം കഴിഞ്ഞാണ് മലയാളത്തിൽ അഭിന യിക്കുന്നത്. ആദ്യപടം പഞ്ചാഗ്നി. അന്നു ഞാൻ മദ്രാസിലാണു താമസിക്കുന്നത്. എംടി സാറും ഹരിഹരൻ സാറും വീട്ടിൽ വന്ന് പഞ്ചാഗ്നി'യിലെ കഥാപാത്രത്തെപ്പറ്റി പറഞ്ഞിട്ട് ചെയ്യാമോന്നു ചോദിച്ചു. എനിക്കു മലയാള ഭാഷയേ അറിയില്ല. ഭാഷ അറിയാതെ എങ്ങനെയാണു സാർ നടിക്കുക? അതുകൊണ്ടു വേണ്ട, വേറെ ആരെയെങ്കിലും നോക്കൂ എന്നു ഞാൻ പറഞ്ഞു. പക്ഷേ, ഹരിഹരൻ സാർ വീണ്ടും വിളിച്ചു. "ഗീത ഈ റോൾ കളയരുത്, നല്ല കാമ്പുള്ള വേഷമാണ്. അപ്പോൾ എനിക്ക് ഇത്തിരി താൽപര്യം തോന്നി. ഞാൻ ചോദിച്ചു, "ആരാണ് സാർ ഹീറോ?' ചോദിക്കാൻ കാരണമുണ്ട്. അന്ന് കന്നഡത്തിൽ വളരെ ബിസിയാണ് ഞാൻ. ഇരുപതോളം സിനിമകൾ ഇറങ്ങിക്കഴിഞ്ഞു. ഗ്ലാമർ താരം. ഒരു കന്നഡ സിനിമ -ഗുണ്ടാരുവിൽ റൗഡിയായ ചേരിപ്പെണ്ണ്) ചെയ്തതു കണ്ട് ഇഷ്ടപ്പെട്ടാണ് ഹരിഹരൻ സാർ വിളിച്ചത്. അപ്പോ നമ്മളൊരു സിനിമയെന്നു കേൾക്കു