ഹരിമുരളീരവം..

പാട്ടിൽ ഈ പാട്ടിൽ

- ഷാജി കൈലാസ്

ഞാനും മോഹൻലാലും ആദ്യമായി ഒന്നിച്ച സിനിമയാണ് ആറാം തമ്പുരാൻ. അതിലെ ഹരിമുരളീരവം എന്ന ഗാനത്തിന്റെ ജനനവും അതിന്റെ ചിത്രീകരണവും എനിക്കൊരിക്കലും മറക്കാൻ കഴിയില്ല. മോഹൻലാലിന്റെ മുംബൈയിലെ ജീവിതവും സംഗീതത്തോടുള്ള അദ്ദേഹത്തിന്റെ ഇഷ്ട വും ജഗന്നാഥൻ എന്ന കഥാപാത്രത്തിന്റെ വ്യക്തിത്വവും പ്രേക്ഷകരിലേക്ക് എത്തിക്കേണ്ടത് ഒരു പാട്ടിലൂടെ ആവണം എന്നു തിരക്കഥാകൃത്തായ രഞ്ജിത്തും ഞാനും തീരുമാനിച്ചു. കോഴിക്കോട്ടെ കാലിക്കറ്റ് ടവർ ഹോട്ടലിൽ വച്ചായിരുന്നു അതിന്റെ രചനയും സംഗീതസംവിധാനവും ചെയ്തത്. ഗിരീഷ് പുത്തഞ്ചേരിയുടെ വരികൾക്ക് രവീന്ദ്രൻ മാഷിന്റെ സംഗീതം. പാട്ട് പൂർത്തിയായി എന്നറിഞ്ഞപ്പോൾ ഞാനും രഞ്ജിത്തും കേൾക്കാൻ പോയി. ഞങ്ങൾക്കു രണ്ടുപേർക്കും പാട്ട് ഇഷ്ടപ്പെട്ടില്ല. ആ പാട്ട് വേണ്ടെന്നുവച്ചു. പിന്നീടുണ്ടാക്കിയ പാട്ടാണ് ഹരിമുരളീരവം. കോഴിക്കോട്ടെ മ്യൂസിക് സിറ്റി എന്ന സ്റ്റുഡിയോയിലാണ് പാട്ടിന്റെ റിക്കോർഡിങ്ങിനായുള്ള സജ്ജീകരണങ്ങൾ ഒരുക്കിയിരിക്ക