வரதட்சணை வழக்குகள் அதிகரிக்கின்றன... தீர்ப்புகளோ குறைவாக கிடைக்கின்றன!

வருடத்துக்கு சராசரியாக 6500 வழக்குகள் வர தட்சணையால் நிகழ்ந்த இறப்பு வழக்குகளாக காவல் நிலையங்களில் பதிவாகின்றன.

- 

வந்த வழக்குகளில் 33 சதவீத வழக்குகள் 6 மாதமாகவும், 30 சதவீத வழக்குகள் ஒரு வருடமாகவும், 33 சதவீத வழக்குகள் மூன்று வருடமாகவும் காவல்நிலையங்களில் தேங்கிக் கிடக்கின்றன.

இந்த 6500 வழக்குகளிலும் சுமார் 4500 வழக்குகள் தான் காவல்துறையால் விசாரிக்கப்பட்டு குற்றப் பத்திரிகையாக (சார்ஜ் ஷீட்) தாக்கல் செய்யப்படுகின்றன.

குற்றப்பத்திரிகை தாக்கல் செய்யப்படுவதிலும் காலதாமதம் ஏற்படுவதாக பாதிக்கப்பட்டவர்கள் சொல்கிறார்கள். ஆதாரங்களும் இதை நிரூபிப்பதுபோல் இருக்கின்றன.

உதாரணமாக 29 சதவீத வழக்குகள் இரு மாதம், 25 சதவீத வழக்குகள் மூன்று மாதம், 18 சதவீத வழக்குகள் ஆறு மாதம், 15 சதவீத வழக்குகள் ஒரு வருடம் கடந்த பின்புதான் குற்றப்பத்திரிகை தாக்கல் செய்யப்படுவதாக சொல்கிறது மத்திய அரசின் தேசிய குற்ற ஆவணக் காப்பகத்தின் 2022ம் ஆண்டு அறிக்கை.

எல்லாவற்றுக்கும் சிகரமாக இந்த 6500 சொச்ச வழக்குகளில் 100 வழக்குகளுக்குத் தான் தண்டனை கிடைக்கிறது.

பொதுவாக ஒரு வழக்கு என்றால் காவல் துறை விசாரணை, அந்த விசாரணை அடிப்படையில் காவல்துறையின் குற்றப்பத்திரிகை தாக்கல், பிறகு குற்றப்பத்திரிகையின் அடிப்படையில் நீதிமன்றத்தில் வழக்கு விசாரணை, கடைசியில் நீதிமன்ற விசாரணையில் கிடைக்கும் சாட்சியங்கள், ஆதாரங்கள் மூலம் தண்டனை என்பதே வரதட்சணை வழக்குக்கும் பொருந்தும் நடை முறை விதிகள்.