സ്വയംപഠിച്ച് ഉയരാൻ അക്കൗണ്ടൻസി

ഏതെങ്കിലും സ്ഥാപനത്തിൽ ചേർന്നു പഠിക്കുന്നതിനേക്കാൾ, സ്വന്തം പ്രയത്നത്തിന്റെ മികവാണ് ചാർട്ടേഡ് അക്കൗണ്ടൻസി പഠനത്തിന്റെ അടിത്തറ

- ബി.എസ്.വാരിയർ

മികച്ച പ്രഫഷനിൽ കടക്കണമെങ്കിൽ എൻട്രൻസ് പരീക്ഷയെന്ന കടമ്പ കടന്നേ മതിയാകൂ എന്നാണു പൊതുധാരണ. പക്ഷേ, എൻട്രൻസ് എന്ന പരീക്ഷണം കൂടാതെ തന്നെ പ്രവേശിക്കാവുന്ന ആകർഷകമായ മേഖലകളിലൊന്നാണു ചാർട്ടേഡ് അക്കൗണ്ടൻസി (സിഎ). ബാങ്ക് ഓഡിറ്റിങ് അടക്കം സാമ്പത്തികപ്രവർത്തനങ്ങൾക്കു നിയമപരമായ അധികാരമുള്ള പ്രഫഷനലാണു ചാർട്ടേഡ് അക്കൗണ്ടന്റ്.

പഠനത്തിന് 3 പടവ്

ഫൗണ്ടേഷൻ: പത്താം ക്ലാസ് ജയിച്ചവർക്ക് സിഎ ഫൗണ്ടേഷനു റജിസ്റ്റർ ചെയ്യാം. ഇതിൽ ലളിതമായ നാലു പേപ്പറുകളാണുള്ളത്: Accounting, Business Laws, Quantitative Aptitude (Business Mathematics/Logical Reasoning/Statistics), Business Economics. നാലു മാസ പഠനം പൂർത്തിയാക്കി പരീക്ഷയെഴുതാൻ അപേക്ഷി ക്കാം. ഏതു വിഷയത്തിലെയും പ്ലസ് ടു പരീക്ഷയെഴു തിയശേഷം ഫൗണ്ടേഷൻ പരീക്ഷ എഴുതാം. ഈ രണ്ടു പരീക്ഷകളും ജയിച്ചുകഴിഞ്ഞാൽ ഇന്റർമീഡിയറ്റിനു റജിസ്റ്റർ ചെയ്യാം. 12-ാം ക്ലാസ് പരീക്ഷയിൽ മാർക്ക് നിബന്ധനയില്ല.

ഇന്റർമീഡിയറ്റ്: റജിസ്റ്റർ ചെയ്തു പഠനം തുടങ്ങുക. ഗ്രൂപ്പ് I ൽ 3 പേപ്പറും ഗ്രൂപ്പ് IIൽ 4 പേപ്പറുമാണുള്ളത്. എട്ടു മാസത്തെ പഠനത്തിനു ശേഷം രണ്ടു ഗ്രൂപ്പും എഴു തി ജയിക്കാം. തുടർന്ന് ICITSS (ഇന്റഗ്രേറ്റഡ് കോഴ്സ് ഓൺ ഐടി & സോഫ്റ്റ് സ്കിൽസ്) പൂർത്തിയാക്കു ക. ഇത്രയുമായാൽ ചാർട്ടേഡ് അക്കൗണ്ടന്റിന്റെ ഓഫിസിൽ രണ്ടു വർഷത്തെ പ്രാക്ടിക്കൽ ട്രെയിനിങ് (ആർ ട്ടിക്കിൾഷിപ്) തുടങ്ങാം. ഇതു പൂർത്തിയാക്കിയ ശേഷം ICITSS യോഗ്യത നേടാം.