ഊർജലോകത്തെ യു ടേൺ

ആണവ റിയാക്ടറുകളിലേക്ക് ലോകം വീണ്ടും മടങ്ങിയെത്തുമ്പോൾ നേതൃസ്ഥാനത്തിനായി മത്സരിച്ച് റഷ്യയും ചൈനയും

- അജീഷ് മുരളീധരൻ

ലോകം മറ്റൊരു ആണവമത്സരത്തിന്റെ വക്കിലാണിപ്പോൾ. അണുബോംബ് നിർമിക്കുന്നതിന്റെയല്ല, മറിച്ച് ആണവ റിയാക്ടറുകൾ നിർമിക്കുന്നതിന്റെയാണീ മത്സരം. റഷ്യയും ചൈനയുമാണതിൽ മുൻപന്തിയിൽ. സുരക്ഷാ, പരിസ്ഥിതി മലിനീകരണ ഭീതിയിൽ ഒരുപരിധി വരെ ലോകരാജ്യങ്ങൾ മുൻപകറ്റി നിർത്തിയിരുന്നതാണ് അണുവൈദ്യുതി. കുഞ്ഞൻ മൊഡ്യുലാർ റിയാക്ടറുകളാണ് (SMR) അണുവൈദ്യു തിയുടെ തിരിച്ചുവരവിൽ തരംഗമായിരിക്കുന്നത്. റഷ്യയുടെ സർക്കാർ സംരംഭമായ റൊസാറ്റം (ROSATOM) സ്വന്തം മണ്ണിൽ 9 മൊഡ്യുലാർ റിയാക്ടറുകളാണ് നിർമിക്കുന്നത്. വിദേശ രാജ്യങ്ങളിൽ 19 റിയാക്ടറുകളും റൊസാറ്റം നിർമിച്ചു നൽകിക്കൊണ്ടിരിക്കുന്നു. ചൈനീസ് സർക്കാർ സംരംഭമായ ചൈന നാഷനൽ ന്യൂകിയർ കോർപറേഷനിൽ (CNNC) നാലു രാജ്യങ്ങളിലായി 9 റിയാക്ടറുകൾ നിർമിക്കുന്നതിനുള്ള കരാറുകളാണ് കഴിഞ്ഞ 2 വർഷത്തിനിടെ ഒപ്പുവച്ചത്.

അതിവേഗം ആണവഫലം