ധനകാര്യ സ്ഥാപനങ്ങൾ

സാമ്പത്തികമേഖലയുമായി ബന്ധപ്പെട്ട ചോദ്യങ്ങൾ മത്സരപ്പരീക്ഷകളിൽ നിർണായകമാണ്. പരീക്ഷകളിലെ സാമ്പത്തികശാസ്ത്രമേഖലയെ അടുത്തറിയാൻ സഹായിക്കുന്ന പംക്തി.

- വിദ്യ എസ്.നായർ

പ്രധാനപ്പെട്ട രണ്ടു രാജ്യാന്തര ധനകാര്യ സ്ഥാപന ങ്ങളാണ് ലോക ബാങ്കും രാജ്യാന്തര നാണയ നിധിയും. 1944 ജൂലൈ ഒന്നു മുതൽ 22 വരെ അമേരിക്കയിലെ ന്യൂ ഹാംഷെറിൽ നടന്ന ബട്ടൻ വുഡ്സ് സമ്മേളനമാണ് ഐഎംഎഫിന്റെയും ലോക ബാങ്കിന്റെയും രൂപീകരണത്തിന് കാരണമായത്. 44 രാജ്യങ്ങളിൽ നിന്നായി 730 പ്രതിനിധികൾ ഈ സമ്മേളനത്തിൽ പങ്കെടുത്തു. ഇന്ത്യയിൽ നിന്ന് 6 പേരാണു സമ്മേളനത്തിൽ പങ്കെടുത്തത്. സി.ഡി.ദേശ്മുഖ്, ആർ.കെ.ഷൺമുഖം ചെട്ടി, റെയ്സ് മാൻ, ഗ്രിഗറി, മദൻ, ഷാഫ് എന്നിവരാണ് ഇന്ത്യയെ പ്രതിനിധീകരിച്ചത്.

ലോക ബാങ്കും ഐഎംഎഫും ബട്ടൻ വുഡ്സ് ഇരട്ട കൾ' എന്നാണറിയപ്പെടുന്നത്.

ലോക ബാങ്ക്

ലോക ബാങ്ക് അഥവാ International Bank for Reconstruction and Development (IBRD) രൂപീകരിച്ചത് 1945 ഡിസംബർ 27നാണ്. 1946 ജൂൺ 25നാണ് ഇതു പ വർത്തനം ആരംഭിച്ചത്. വാഷിങ്ടൻ ഡിസി ആസ്ഥാന മായി ആരംഭിച്ച ലോക ബാങ്കിന്റെ ലക്ഷ്യം ദാരിദ്ര്യ നിർ മാർജനമാണ്. "ദാരിദ്ര്യമില്ലാത്ത ലോകത്തിനായി' എന്ന താണ് ലോക ബാങ്കിന്റെ ആപ്തവാക്യം. ജെ.എം.കെ യ്ൻസ്, ഹാരി ടെക്സ്റ്റർ വൈറ്റ് എന്നിവരാണ് ലോക ബാങ്കിന്റെ സ്ഥാപകരായി അറിയപ്പെടുന്നത്.