കളിയല്ല, ഗെയിമിങ്

ആഗോളതലത്തിൽ വലിയ അവസരമുള്ള പഠന-തൊഴിൽ മേഖലയാണു ഗെയിമിങ്

- ബി.എസ്.വാരിയർ

ആഗോളവിപണിയിൽ പതിനായിരം കോടിയിലേറെ ഡോളർ മറിയുന്ന മുഖ്യധാരാവ്യവസായമാണു ഗെയിമിങ്. വീട്ടിലും മാളുകളിലും വിമാനത്താവളങ്ങളിലുമെല്ലാം കംപ്യൂട്ടർ ഗെയിമുകൾ അരങ്ങു തകർക്കുന്നു. സ്മാർട് ഫോണുകൾ സർവവ്യാപിയായതോടെ ഗെയിമിങ്ങിൽ വലിയ മുന്നേറ്റമാണ്. പഴയ ഗെയിമുകൾ ആർക്കും വേണ്ട. എന്നും പുതുപുത്തൻ കളികൾ കിട്ടിയാലേ കുട്ടികളടക്കം ഏവർക്കും തൃപ്തി വരൂ. അതിനാൽ ഗെയിമിങ് പ്രഫഷനലുകൾക്ക് അവസരങ്ങൾ അതിവേഗം വർധിച്ചുവരുന്നു. അനിമേഷൻ/മൾട്ടിമീഡിയയുടെ ഏറ്റവും പ്രധാനപ്പെട്ട പ്രയോഗമേഖലകളിലൊന്നായി ഗെയിമിങ് വളർന്നുകഴിഞ്ഞു.

വൈവിധ്യം ഏറെ; അവസരങ്ങളും