அச்சூ!

பள்ளியில் மாணவர்கள் பானியை கேலி செய்தனர்

- ஆஷா சர்மா

அவளை 'அச்சூரோ' என்று கிண்டலாக அழைத்தனர். இதற்கு காரணம் பானி எப்போதும் தும்பிக் கொண்டு இருப்பது தான். பானி வகுப்பறைக்குள் நுழைந்ததும் யாரோ மெதுவாக கூறினார். 'அச்சூரோ வந்து விட்டது' பானி இந்த விமர்சனத்தை கேட்டு தலை குனிந்து கொண்டாள்.

பிறகு அவள் தயங்கியபடி தன் தலையை உயர்த்திப் பார்த்தாள். வகுப்பறையில் ஒவ்வொருவரும் அவளை பார்த்து சிரித்து கொண்டிருப்பதை கவனித்தாள்.

அவள் பயந்து கொண்டு தன் கர்சீப்பை எடுத்து கையில் இறுக கட்டிக் கொண்டாள். பிறகு மெதுவாக நடந்து சென்று தன் இருக்கையில் அமர்ந்தாள். அவள் பக்கத்து இருக்கையில் அமர்ந்திருந்த வினய் மெதுவாக அங்கிருந்து நகர்ந்து சென்றான்.

பானி பயந்து கொண்டு வினயை ஓரக்கண்ணால் பார்த்தாள். ஒரு புத்தகத்தை எடுத்துக் கொண்டு படிக்க ஆரம்பித்தாள். பிறகு திடீரென அவளுடைய மூக்கில் தும்மல் வர ஆரம்பித்தது.

அவள் கர்சீப்பை எடுத்து மூக்கில் வைப்பதற்கு முன் 'அச்சூ' என்று தும்மினாள். நீர்த்துளிகள் சுற்றிலும் பரவின. வினய் முகத்தை சுளித்து கொண்டு 'தும்மல் குச்சு' என்று முணங்கினான்.