Flowing like a River

₹1.59 ലക്ഷം ഓൺറോഡ് വിലയിൽ 110 കിമീ റേഞ്ചുമായി റിവർ ഇൻഡി ഇ-സ്കൂട്ടർ

- റോഷ്നി

നിരത്തിലെത്തും മുൻപേ സിനിമയിലൂടെ ഹിറ്റായ സ്കൂട്ടറാണ് റിവർ ഇൻഡി. സ്കൂട്ടറുകളിലെ എവി എന്നാണ് ഇൻഡി സ്കൂട്ടറിനെ കമ്പനി സ്വയം വിശേഷിപ്പിക്കുന്നത്. സ്പോർട്സ് യൂട്ടിലിറ്റി എന്ന വാക്ക് അന്വർഥമാക്കുന്ന തരത്തിലാണ് ഡിസൈൻ. നമ്മൾ പുതിയ വാഹനം വാങ്ങുമ്പോൾ ആരും നോക്കിപ്പോകുന്ന മോഡലാണെങ്കിൽ അൽപം ഗമയൊക്കെ തോന്നില്ലേ... അതു റിവർ സ്കൂട്ടറിനുണ്ട്.

ഡിസൈൻ

കണ്ടുശീലിച്ച ഇരുചക്രവാഹന ഡിസൈനുകളെ പൊളിച്ചെഴുതുകയാണ് റിവർ. സ്കൂട്ടറും മോപ്പഡും ബൈക്കും എല്ലാം കൂടിച്ചേർന്ന രൂപം. ഇവയുടെയെല്ലാം നല്ല വശങ്ങൾ സ്വീകരിച്ചുകൊണ്ട് രൂപംകൊടുത്ത മോഡലാണ് ഇൻഡി. ഒറ്റനോട്ടത്തിൽ കണ്ണുടക്കുക ഹെഡ്ലാംപിലാണ്. വലിയ രണ്ട് എൽഇഡി ഉണ്ടക്കണ്ണുകൾ. ഹോളിവുഡ് സിനിമകളിലെ റോബോട്ടുകളെ അനുസ്മരിപ്പിക്കുന്ന മുഖഭാവം. മുന്നിൽ വേണമെങ്കിൽ വൈസർ പിടിപ്പിക്കാൻ ഓപ്ഷൻ നൽകിയിട്ടുണ്ട്.

ഹാൻഡിൽ ബാർ ഡിസൈൻ മോപ്പഡിന്റേതുപോലെ തോന്നിക്കും. വ്യത്യസ്തമായിരിക്കാനാണ് ഈയൊരു ഡിസൈൻ സ്വീകരിച്ചിരിക്കു ന്നതെന്നാണ് റിവർ ചീഫ് പ്രൊഡക്ട് ഓഫിസർ വിപിൻ ജോർജ് പറയുന്നത്. അതുകൊണ്ട് മുന്നിൽ ഇഷ്ടം പോലെ സ്ഥലമുണ്ട്. സാധാരണ സ്കൂട്ടറുകളിൽ കൺസോൾ ഉള്ള ഭാഗത്ത് സ്മാർട്ഫോൺ ഘടിപ്പിക്കാവുന്ന ഫോൺ മൗണ്ട് ആക്സസറിയായി നൽകിയിട്ടുണ്ട്. തൊട്ടുമുകളിലായി എൽഇഡി കൺസോൾ. ഇരുവശങ്ങളിലും വാഹന നിയന്ത്രണ സ്വിച്ചുകൾക്ക് ക്വാളിറ്റി ഉറപ്പാക്കിയിട്ടുണ്ട്.

ഫീച്ചർ