സുരക്ഷ മുഖ്യം

തന്റെ ആദ്യത്തെ വീട് വാഹനമാണെന്നു പറയുന്ന ടിനി ടോം മസ്താങ്ങിനെ കുറിച്ചും വാഹനപ്രേമത്തെ കുറിച്ചും മനസുതുറക്കുന്നു..

- മനു പ്രമദ്

മിമിക്രിയിലൂടെ എത്തി മലയാള സിനിമയുടെയും കോമഡി വേദികളുടെയും സ്ഥിരം സാന്നിധ്യമായ താരമാണ് ടിനി ടോം. വളർച്ചയുടെ പടവുകളിലേക്ക് സാവധാനം ചുവടുവച്ച ടിനിയുടെ യാത്രകൾ ട്രെയിനിൽ നിന്നും കെഎസ്ആർടിസി ബസുകളിൽ നിന്നും മസ്താങ്ങിലേക്ക് എത്തി നിൽക്കുന്നു.

ആമയും മുയലും മത്സരത്തിലെ ആമയെപ്പോലെ സാവധാനത്തിൽ ആകണം ജീവിത യാത്രയും എന്നാണ് ടിനിയുടെ പക്ഷം. സാവധാനത്തിൽ തന്റെ ലക്ഷ്യങ്ങൾ പൂർത്തീകരിച്ചുകൊണ്ട് ഒരു വിജയിയുടെ തലയെടുപ്പിലായിരിക്കണം ആ യാത്ര. ആമയുടെ വേഗമുള്ള തന്റെ ജീവിതയാത്രയെക്കുറിച്ചു ടിനി പറയാൻ തുടങ്ങുന്നതിനു മുന്നേ തന്നെ മകൻ ആദം പറഞ്ഞു തുടങ്ങി. പുതിയ വാഹനം സ്വന്തമാക്കിയതിനെക്കുറിച്ച് കുതിരയുടെ കരുത്തിലും വേഗത്തിലും പായാൻ കഴിയുന്ന തങ്ങളുടെ മസ്താങ്ങിനെ കുറിച്ച്... ആ പതിനെട്ടുകാരന്റെ ആവേശത്തിൽ തെല്ലൊന്നു ആശങ്കപ്പെട്ടിട്ടോ എന്തോ, ടിനിയിലെ പിതാവ് ആത്മഗതം പോലെ ഇതുകൂടി കൂട്ടിച്ചേർത്തു, ആദ്യം ഓടിക്കാൻ കൊടുത്തപ്പോൾ നല്ല സ്പീഡ് ആയിരുന്നു, അതുകൊണ്ടു തന്നെ ഇനി ഡ്രൈവ് ചെയ്യാൻ കൊടുക്കണോ എന്ന് തീരുമാനിച്ചിട്ടില്ല. വേഗത്തെ കുറിച്ച് അവൻ സംസാരിക്കുന്നതു കേൾക്കുമ്പോൾ ചെറുതല്ലാത്ത പേടിയുമുണ്ട്. തന്റെ ആദ്യത്തെ വീട് വാഹനമാണെന്നു അടിവരയിട്ടു പറയുന്ന ടിനി ടോം പുതിയ മസ്താങ്ങിനെ കുറിച്ചും വാഹനപ്രേമത്തെ കുറിച്ചും മനസുതുറക്കുന്നു.

വെറും മസ്താങ്ങല്ല, ഷെൽബി കിറ്റ് കയറ്റിയ മസ്താങ്