തിരുമലൈക്കോവിലും തെങ്കാശിയും

പുഷ്പ' ലൊക്കേഷൻ തേടി ബിവൈഡി കേരള- തമിഴ്നാട് അതിർത്തിയിലേക്ക്

- പ്രവീൺ

സ്വപ്നം സഫലമാക്കു എന്നതൊരു ചുരുക്കപ്പേരാക്കുമ്പോൾ ബിവൈഡി എന്നു കിട്ടും. (Build Your Dream). ലോകത്തിന്റെ സ്വപ്നമാണ് പുകയില്ലാ വാഹനങ്ങൾ. അവിടെ ബിവൈഡിയുണ്ട്. നമ്മുടെ സ്വപ്നങ്ങളിലൊന്നാ ണ് യാത്ര പോകണം എന്നത്. അവിടെയും ബിവൈഡിയുണ്ട്. ബിവൈഡി ഇ6 ൽ സ്വപ്നയാത്ര. ഹിറ്റ് ചിത്രമായ പുഷ്പയുടെ ലൊക്കേഷൻ തേടി.

ഫുൾ ചാർജിൽ തുടക്കം

രാഷ്ട്രീയം സ്വപ്നമയവും' തെരുവുകൾ ലാത്തിമയവുമായ സമയത്താണ് ബിവൈഡി ഫുൾ ചാർജിൽ കയ്യിലെത്തിയത്. കൺസോളിൽ 500 കിമീ എന്നു റേഞ്ച് കാണിക്കുന്നുണ്ട്. എന്തൊരാശ്വാസം മുൻപ് ഇടുക്കിയിലേക്കുള്ള യാത്രയിൽ ബിവൈഡിയോട് ആത്മബന്ധം തോന്നിയിരുന്നു. കാരണം മറ്റൊന്നുമല്ല പറയുന്നതിന്റെ ഏതാണ്ട് അടുത്തൊരു റേഞ്ച് അന്നു കിട്ടിയിരുന്നു. മാത്രമല്ല, അഞ്ചുപേർ ലാവിഷായി ലഗേജുമായി പോയതിന്റെ രസവുമുണ്ടായിരുന്നു. അതുകൊണ്ടൊക്കെ തന്നെ ആത്മവിശ്വാസത്തോടെ യാത്രയ്ക്കിറങ്ങി. നാം പോകുന്ന പുഷ്പ' ലൊക്കോഷൻ മുൻപു കേരളത്തിലായിരുന്നു. ദൂരം 215 കിമീ. അതായത്, ഫുൾ ചാർജിൽ അങ്ങു പോയി ഇങ്ങെത്താം. പുഷ്ബട്ടണിൽ കയ്യമർത്തി. ആക്സിലറേറ്ററിൽ കാലമർത്തി. അതിരാവിലെ കൊച്ചിയിൽ നിന്നു പുറപ്പെട്ടു.

ആദ്യ റീച്ചാർജ്

അടൂരിൽ ഒരു സിയോൺ ചാർജിങ് പോയിന്റുണ്ട്. അവിടെനിന്നു ഫുൾ ചാർജാക്കിയിട്ടു പോകുന്നതാണ് ഉചിതമെന്നു ബിവൈഡിയിലെ മാനേജർ ഷിജു ഉപദേശിച്ചിരുന്നു. അടൂരിലെത്തുമ്പോൾ 126 കിമീ. ഒരു മണിക്കൂർ ചാർജിങ്ങിനുശേഷം ഇ ഫുൾ റേഞ്ച് വീണ്ടെടുത്തു. ചാർജ് ചെയ്തതു നന്നായി എന്നു സഹയാത്രികർ. കാരണം വേറൊന്നുമല്ല, ഒരു ലൊക്കേഷനിലേക്കുള്ള യാത്രയിലാകും മറ്റൊരു ബോർഡ് കണ്ണിൽപ്പെടുക. അവിടെക്കൂടി ചെല്ലാതെ പിന്നെയൊരു സമാധാനമുണ്ടാകാറില്ല ട്രാവലോഗ് ടീമിന്

അടൂർ- കൊട്ടാരക്കര -പുനലൂർ വഴി തെൻമലയിലേക്ക് ചെറിയൊരു ചുരം കയറ്റം. അതിർത്തി കടന്നിറങ്ങിയാൽ കയറ്റിറക്കങ്ങൾ കുറവ്. തെങ്കാശിയാണു പ്രധാന പട്ടണം. അതിനു മുൻപ് നമുക്കു പുഷ്പ ഗ്രാമം കാണേണ്ടേ?

പൻപൊഴി ഗ്രാമം