തലവര മിന്നി

തലവരയിലെ മിന്നലായി മലയാളത്തിന്റെ മനസ്സു കവർന്ന മനോജ് മോസസ്

- അമ്മു ജൊവാസ്

ആർമിയും ഡാൻസും

എന്നു മുതലാണു നൃത്തത്തോടു താൽപര്യം വന്നത്, എങ്ങനെ സ്റ്റേജ് പെർഫോമറായി എന്നൊക്കെ ചോദിച്ചാൽ എങ്ങനെയോ എത്തിപ്പെട്ടു എന്നു പറയാനേ കഴിയൂ...ഞാൻ ഏഴിലോ എട്ടിലോ പഠിക്കുമ്പോൾ അച്ഛനാണ് എന്നെ ഡാൻസ് പഠിക്കാൻ ചേർത്തത്. ആ അടിസ്ഥാനം എന്റെ ചുവടുകളിലുണ്ടാകാം.

പ്ലസ് ടുവോടെ പഠനം എനിക്കു പറഞ്ഞിട്ടുള്ളതല്ലെന്നു മനസ്സിലായി. അതോടെ ഡാൻസുമായി മുന്നോട്ടു പോയി. സ്റ്റേജ് പ്രോഗ്രാമുകളും കൊറിയോഗ്രഫിയും ഒപ്പം ആർമിയിൽ ചേരുക എന്ന സ്വപ്നം സ്വന്തമാക്കാനുള്ള ശ്രമവും.

ആർമി സിലക്ഷനു വേണ്ടി പ്രായപരിധി കഴിയുന്നതിനു മുൻപുള്ള അവസാന അവസരം. അതിൽ ഫിസിക്കലും മെഡിക്കലും പാസായി പരീക്ഷയ്ക്കായി കാത്തിരിക്കുകയാണു ഞാൻ. അപ്പോൾ ദാ വരുന്നു തമിഴിൽ ഡാൻസ് v/s ഡാൻസ് റിയാലിറ്റി ഷോ. പരീക്ഷ പാസായാൽ റിയാലിറ്റി ഷോ നിർത്തി നേരെ ചലോ ആർമി' എന്നു തീരുമാനിച്ചുറപ്പിച്ചാണ് തമിഴ്നാട്ടിലേക്കു വണ്ടി കയറുന്നത്. അവിടെ ചെന്നു കഴിഞ്ഞല്ലേ ട്വിസ്റ്റ്.

ദൈവത്തിന്റെ പ്ലാൻ