തുളസിക്കുട്ടി വന്നു.“ചേച്ചിയായി

ആടുതോമയുടെ 'തുളസി', 'വാശി'യിലെ നന്ദുചേച്ചിയായി മടങ്ങിയെത്തിയപ്പോൾ. ഡോ. ആര്യ അനൂപിന്റെ വിശേഷങ്ങൾ

- അമ്മു ജൊവാസ്

ഏഴു വയസ്സുകാരിയുടെ വീരഗാഥ

അമ്മ അമലയാണ് എന്റെ കലാജീവിതത്തിലെ യഥാർഥ നായിക. ഞാൻ നൃത്തവും പാട്ടും പഠിച്ചതും ഇത്രയേറെ വേദികളിൽ നൃത്തം അവതരിപ്പിച്ചതും സിനിമയിലേക്ക് എത്തിയതുമെല്ലാം അമ്മയുടെ ആഗ്രഹവും പരിശ്രമവും കൊണ്ടാണ്. അച്ഛൻ രാജഗോപാലന്റെ പിന്തുണയും എല്ലാ കാര്യത്തിലും ഉണ്ടായിരുന്നു.

“ഒരു വടക്കൻ വീരഗാഥ' സിനിമയിലേക്ക് ബാല താരങ്ങളെ തേടുന്നു എന്ന പരസ്യം കണ്ട് അമ്മയാണ് എന്റെ ഫോട്ടോ അയച്ചത്. അതിൽ സെലക്ട് ആയി. ലൊക്കേഷനിലെത്തിയപ്പോൾ ഹരിഹരൻ സർ പറഞ്ഞു, “ഞാൻ പറയുന്നത് അതുപോലെ ചെയ്യണം ഒറ്റ കണ്ടീഷൻ ക്യാമറയിൽ നോക്കരുത്. അന്നത്തെ ഏഴു വയസ്സുകാരി അതനുസരിച്ചു എന്നല്ലാതെ അഭിനയമാണെന്നൊന്നും മനസ്സിലായില്ല.

"ബട്ടർഫ്ലൈസ്' ആണ് രണ്ടാമത്തെ ചിത്രം. ആറാം ക്ലാസ്സിലെ അവധിക്കായിരുന്നു ഷൂട്ടിങ്. ഷോട്ടിന്റെ ഇടവേളയിൽ മോഹൻലാലും ഞങ്ങൾ കുട്ടികൾക്കൊപ്പം കളിക്കാൻ വന്നിരുന്നതാണ് രസമുള്ള ഓർമ. ഇതിനിടെ ജോണി' എന്ന സിനിമയിലും അഭിനയിച്ചു.

ആടുതോമയുടെ തുളസി