சிதறும் கனவுகள்!

இனிய தோழர்! நலம் தானே?

- 

குஜராத் தலைநகர் ஆமதாபாத்தில் ஏர் இந்தியா விமானம் கீழே விழுந்து வெடித்து சிதறி நொறுங்கிய துன்பியல் நிகழ்வில் இறந்த பயணிகளுக்கு நம் கண்ணீர் அஞ்சலிகள்.

நடுவானில் பிரச்னை ஏற்படவில்லை. காலநிலையில் பாதகம் இல்லை, பறவைகள் எதுவும் மோதவில்லை, பைலட்டுகளின் அனுபவங்களுக்கும் குறை வில்லை. இருந்தும் இந்த கொடூர விபத்து எப்படி ஏற்பட்டது?

கிட்டத்தட்ட 55 டன் எரிபொருள் நிரம்பி இருந்தது. லண்டனின் கேட்விக் விமான நிலையத்திற்கு கிளம்பிய ஓரிரு நிமிடங்களுக்குள் எப்படி விபத்தில் சிக்கியது?

எத்தனையோ தியரிகள் உலா வருகின்றன. மே டே மே டே என்று விமானி கடைசி வினாடியில் கதறும் வீடியோ மனதை பிசைகிறது. விவாத மேடைகளில் முன்னாள் விமான பைலட்டுகள் இது போன்ற நெருக்கடி நிலை சமயங்களில் சமாளித்ததை விவரிக்கிறார்கள். ஆனால் ஒரு விஷயம் நம்மை உறுத்துகிறது.

CELEBI என்று ஒரு நிறுவனம் சர்வதேச அளவில் புகழ்பெற்றது. விமானங்களையும் விமான நிலையங்களையும் விமானத்தில் ஏற்றப்படும் சுமைகளையும் பராமரிப்பதில் சர்வதேச அளவில் பிரசித்தி பெற்ற கம்பெனி இது. சர்வதேச விமான நிலையங்களில் ஒப்பந்த அடிப்படையில் பணிகளை செய்து வந்தது. ஆமதாபாதின் சர்வதேச விமான நிலையமும் அவற்றில் ஒன்று. இங்கிருந்து புறப்பட்ட ஏர் இந்தியா விமானம் தான் நொறுங்கி விழுந்து தீப்பிடித்து சிதறியது.

CELEBI நிறுவனத்துடன் இந்திய அரசு 2008-ல் ஒப்பந்தம் போட்டுக் கொண்டது. இது 2032 வரைக்கும் ஆன ஒப்பந்தம். ஆனால் இந்த வருடம் மே மாதம் 15-ஆம் தேதியுடன் ஒப்பந்தம் சடார் என்று முடிவுக்கு கொண்டுவரப்பட்டு செலிபி வெளியேற்றப்பட்டது. ஒப்பந்த காலம் முடிவதற்கு இன்னும் ஏழு ஆண்டுகள் இருக்கும் நிலையில் ஏன் நடுவில் வெளியேற்றப்பட்டது?