சவால் என்றால் சாக்லேட் சாப்பிடுவது மாதிரி!

எங்கள் வீட்டில் ஒரு கனமான பாத்திரம் உண்டு. அடிக்கடி உபயோகப்படுத்தப்படும் பாத்திரம் அது. ஒரு முறை அதில் ஏதோ ஒரு உணவை வைத்து அடுப்பில் வைத்துவிட்டு மறந்துவிட, அடியில் கருகிப் போய்விட்டது. எவ்வளவு கழுவியும் பாத்திரத்தின் அடியிலிருந்த கருப்பு நிறம் போகவே இல்லை.பாத்திரம் கழுவும் பொடி, மணல், சாம்பல் என்று நிறைய பொருட்களைப் பயன்படுத்தி தேய்த்துப் பார்த்தாயிற்று.

- டாக்டர் அகிலாண்ட பாரதி - டாக்டர் தேவி பிரபா

எதேச்சையாக வந்த பாட்டி ஒருவர், 'கொஞ்சம் கோலப்பொடிய போட்டுத் தேய். போயிடும்' என்றார். அவர் சொன்னபடியே செய்ததில் பாத்திரம் பளிச்சென்று ஆகிவிட்டது.

ஒரு பிரச்சனையைத் தீர்க்க ஒரு வழியை முயன்று பார்ப்பது, அது சரிவரவில்லை என்றால் பின் இன்னொன்று, அதுவும் சரி வரவில்லை என்றால் மூன்றாவது என்று ஒவ்வொரு வழிமுறையாக முயன்று பார்ப்பது நாம் இயல்பாக செய்யக்கூடிய ஒரு வழிமுறை தான். இதற்கு 'ட்ரையல் அன்ட் ஏரர்' (trial and error) என்று பெயர்.