കോട്ടയം

ജില്ലകളുടെ ഭൗമശാസ്ത്രം

- ശ്വേത ആർ. ജിയോളജി രണ്ടാം വർഷ ബിരുദാനന്തര ബിരുദ വിദ്യാർത്ഥിനി, എം ഇ എസ് പൊന്നാനി കോളേജ്

കേരളത്തിന്റെ മദ്ധ്യപടിഞ്ഞാറൻ ഭാഗത്ത് സ്ഥിതി ചെയ്യുന്ന കോട്ടയം ജില്ല മലനിരകൾ, കായലുകൾ എന്നിവകൊണ്ട് പ്രസിദ്ധമാണ്. ജില്ലയുടെ വടക്ക് വശത്ത് എറണാകുളവും, കിഴക്ക് ഇടുക്കിയും, തെക്ക് പത്തനംതിട്ടയും, പടിഞ്ഞാറ് ആലപ്പുഴ ജില്ലയും . 9°15'00"-10°21'00" വടക്ക് അക്ഷാംശങ്ങൾക്കും 76°22′00″ 77°25′00″ കിഴക്ക് രേഖാംശങ്ങൾക്കും ഇടയിലായാണ് കോട്ടയം ജില്ല സ്ഥിതിചെയുന്നത്.

കേരളത്തിൽ അച്ചടി വ്യവസായത്തിന് തുടക്കമിട്ടത് കോട്ടയം ജില്ലയിലായതിനാൽ ഇവിടം അക്ഷര നഗരി” എന്നും അറിയപ്പെടുന്നു. കൂടാതെ ഇന്ത്യയിലെ 100% സാക്ഷരത നേടിയ ആദ്യ നഗരമായി കോട്ടയം ലോകശ്രദ്ധ നേടുകയും ചെയ്തു. ഇന്ത്യയിലെ പ്രധാന റബ്ബർ ഉത്പ്പാദക ജില്ലകളിലൊന്നാണ് കോട്ടയം. ഇലവീഴാപൂഞ്ചിറ, ഇല്ലിക്കൽ കല്ല് തുടങ്ങിയ ഹിൽസ്റ്റേഷനുകളാൽ മനോഹരമാണ് കോട്ടയം. ഇന്ത്യാ ഗവൺമെന്റിന്റെ പരിസ്ഥിതി വനം മന്ത്രാലയം ഇക്കോ സിറ്റിയായി തിരഞ്ഞെടുത്ത ഇന്ത്യയിലെ ആദ്യത്തെ പട്ടണം കൂടിയാണ് കോട്ടയം.

ജിയോളജി

കോട്ടയം ജില്ലയിലെ അടിസ്ഥാന ശിലകൾ അതീവ വൈവിധ്യമുള്ളതും സങ്കീർണ്ണവുമാണ്. രൂപംകൊണ്ട കാലഘട്ടത്തിന്റെ അടിസ്ഥാനത്തിൽ ജില്ലയിലെ ശിലകളെ നാലായി തരം തിരിക്കാം.