അനിവാര്യമായ തിന്മ അല്ലെങ്കിൽ നന്മയ്ക്കായൊരു തിന്മ

ശാസ്ത്ര ജാലകം

- ഡാ ലി ഫോൺ : 9757180148

ഒരുകാലത്ത്, ദക്ഷിണാഫ്രിക്കയിലെ സ്വർണ്ണ പുൽമേടുകളിൽ, ഒരുകൂട്ടം കാണ്ടാമൃഗങ്ങൾ താമസിച്ചിരുന്നു.

ശക്തരും എന്നാൽ വളരെ സമാധാനപ്രിയരുമായ ഈ മൃഗങ്ങൾ മൂക്കിലെ വലിയ കൊമ്പുകൾക്ക് പേരു കേട്ടവയായിരുന്നു. എന്തായിരുന്നു ആ വലിയ കൊമ്പുകളുടെ പ്രത്യേകതയെന്നോ!

അസ്ഥി കൊണ്ടല്ല, മറിച്ച് നമ്മുടെ നഖം എന്തുകൊണ്ടുണ്ടാക്കിയോ അത് വളർന്ന് കട്ടിയായതാണീ കൊമ്പുകൾ. ആ വസ്തുവിന്റെ പേരാണ് കെരാറ്റിൻ!

നഖം വെട്ടിയാൽ വീണ്ടും വലുതാകുന്നതുപോലെ ഈ കൊമ്പുകളും വെട്ടിയാൽ വളർന്നുകൊണ്ടിരുക്കും.

ദുഃഖകരമെന്നു പറയട്ടെ, ആ മനോഹരമായ കൊമ്പുകളായിരുന്നു കാണ്ടാമൃഗങ്ങളുടെ ശാപം. അത് അവയുടെ വംശത്തെ തന്നെ ഇല്ലാതാക്കാൻ തുടങ്ങി.

എന്തുകൊണ്ടാണിതുണ്ടായതെന്നോ? കാട്ടുകൊള്ളക്കാർ അവർ കാണ്ടാമൃഗങ്ങളുടെ കൊമ്പുകൾ മോഷ്ടിച്ച് വിൽക്കാൻ തുടങ്ങി.

വെറുതെ കൊമ്പു മുറിക്കുന്നതിനു പകരം പാവപ്പെട്ട ഈ മൃഗങ്ങളെ കൊന്ന് കൊമ്പു മുറിച്ചെടുത്ത് വിറ്റു.

കാണ്ടാമൃഗത്തിന്റെ കൊമ്പുകൾക്ക് ഭാഗ്യം കൊണ്ടുവരാനോ രോഗം ഭേദമാക്കാനോ കഴിയുമെന്ന അന്ധവിശ്വാസം ഈ കാട്ടുകൊള്ളക്കാർ വിറ്റ് കാശാക്കാൻ തുടങ്ങി.

ഇത് കാണ്ടാമൃഗങ്ങളെ അന്യായമായി വേട്ടയാടുന്നതിനും അവയുടെ എണ്ണത്തിൽ അതിവേഗം കുറവ് വരുന്നതിനും കാരണമായി.

എന്ത് ചെയ്യാൻ പറ്റും ഈ ശക്തരായ പാവങ്ങളെ സഹായിക്കാൻ?

2017-നും 2023-നും ഇടയിൽ, ആഫ്രിക്കയിലെ വന്യജീവി റേഞ്ചർമാർ, ശാസ്ത്രജ്ഞർ, മൃഗസ്നേഹികൾ എന്നിവർ ഒരുമാതിരിപ്പെട്ടതെല്ലാം പരീക്ഷിച്ചു.