Evergreens wys talent

"Ek is tevrede met die spelers se vertoning in Saterdagaand se wedstryd teen die gedugte Bolandse klubkampioenspan, Villagers Worcester.

- Hugo Redelinghuys

Francois Steyn Cummings word om sy nek beetgekry deur 'n speler van Villagers Worcester. Dié oortreding is nie met 'n geel kaart gestraf nie. Foto's: Hugo Redelinghuys

(Hugo Redelinghuys)

Hoewel ons verloor het, het dit nooit vir ons gegaan oor die uitslag nie, maar veel eerder oor watter lesse ons moontlik uit die kragmeting kon neem wat ons vorentoe kan help om Evergreens in 'n nog gedugter eenheid te omskep.Dit was Marvin November, hoofafrigter van Evergreens, SWD se klubkampioen, se opsomming oor dié taai kragmeting. Dié wedstryd was die hoofdis op Multisure Corporation se rugbyfees waartydens 16 rugbyklubs meegeding het.

Villagers Worcester het die stryd, wat deurentyd in gietende reën gespeel is, met 22 - 14 gewen.

November sê hy en die span is glad nie in sak en as nie.