തുളസി

നമുക്കു ചുറ്റുമുള്ള ഔഷധസസ്യങ്ങളും അവ ഉപയോഗപ്പെടുത്തിയുള്ള ഗൃഹചികിത്സയും പരിചയപ്പെടുത്തുന്ന പംക്തി "മുറ്റത്തൊരു മരുന്നുചെടി

- ഡോ. ഗോപാലകൃഷ്ണൻ വലിയവീട്ടിൽ അഡീഷനൽ ഹെഡ്(മെറ്റീരിയൽസ്) & ചീഫ് മെഡിക്കൽ ഓഫിസർ, കോട്ടയ്ക്കൽ ആര്യവൈദ്യശാല. ഫോൺ: 9847286663

വിശുദ്ധിയുടെയും നൈർമല്യത്തിന്റെയും അടയാളമാണ് മലയാളിക്കു തുളസിച്ചെടി. ഹിന്ദുഭവനങ്ങളിലും ക്ഷേത്രങ്ങളിലും മറ്റും പാവനമായി പരിപാലിക്കുന്ന സസ്യം. കുരുമുളകും ഇഞ്ചിയും ആടലോടക വുമൊക്കെ ചേർന്ന നമ്മുടെ പാരമ്പര്യ ഗൃഹവൈദ്യത്തിലെ പ്രധാനിയാണു തുളസി. ഇലയും തണ്ടും ഇളം വയലറ്റ് നിറമെങ്കിൽ കൃഷ്ണതുളസിയെന്നും ഇളം പച്ച നിറമെങ്കിൽ തുളസി (ശ്വേത തുളസി) എന്നും പൊതുവേ പറയുന്നു. രണ്ടും ഒന്നു തന്നെയെങ്കിലും Ocimum sanctum എന്ന ശാസ്ത്രനാമമുള്ള കൃഷ്ണതുളസിക്ക് ഔഷധഗുണം അല്പം കൂടുതലുണ്ട്. സമൂലം ഔഷധയോഗ്യമായ, സുഗന്ധിയായ ഈ കുറ്റിച്ചെടി, ആയുർവേദത്തിൽ, ശ്വാസകോശ രോഗശമനത്തിന് ഉപയോഗിക്കുന്ന മരുന്നുകളിലെ പ്രധാന ചേരുവയാണ്.

രോഗശമനത്തിന്, സൗന്ദര്യവർധനയ്ക്ക്