മുട്ടവണ്ടിയിൽ മുട്ടൻ ബിസിനസ്

തലസ്ഥാന നഗരത്തിന്റെ സാധ്യത പ്രയോജനപ്പെടുത്തി മുട്ടക്കോഴി വളർത്തൽ സംഘം

- 

സർക്കാർ ജോലിക്കാരായ ആയിരങ്ങൾ, ടെക്നോ പാർക്കിലും ചുറ്റുവട്ടത്തുമായി ഉയർന്നു വരുന്ന ഐടി സ്ഥാപനങ്ങളിലെ പതിനായിരങ്ങൾ, വിഴിഞ്ഞം തുറമുഖവുമായി ബന്ധപ്പെട്ട ജോലികൾക്കു വന്നവരും വരാനിരിക്കുന്നവരും. തിരുവനന്തപുരം നഗരത്തിലെ വിപണിസാധ്യത കർഷകർക്കു സമ്മാനിക്കുന്നത് അവസരങ്ങളുടെ പൂക്കാലം. എന്നാൽ, എത്ര പേർക്ക് അതു പ്രയോജനപ്പെടുത്താൻ കഴിയും? ഉൽപാദനച്ചെലവ് കുത്തനെ ഉയരുമ്പോൾ നഗരത്തിന്റെ സാധ്യതകൾ തമിഴ്നാട്ടുകാർക്കു കൈമാറേണ്ട സ്ഥിതിയിലാണ് നമ്മൾ. എന്നാൽ, ഈ സാഹചര്യത്തിലും നഗരവിപണിയുടെ ആവശ്യങ്ങൾക്കനുസരിച്ച് ഉൽപന്നങ്ങൾ ലഭ്യമാക്കാൻ കഴിയുന്നവർക്ക് മികച്ച വരുമാനം നേടാമെന്നു തെളിയിക്കുകയാണ് കരകുളത്തെ അജയകുമാറും സഹോദരൻ വിജയകുമാറും. അസം റൈഫിൾസിൽ നിന്ന് ഒരുമിച്ചു വിരമിച്ച ഈ സഹോദരങ്ങൾ കൂട്ടായി തുടങ്ങിയ കോഴിവളർത്തൽ നഗരകേന്ദ്രീകൃത കാർഷിക സംരംഭത്തിനു മാതൃകയായി മാറുകയാണ്.