പച്ചക്കറിക്ക് സുരസ ഭക്ഷ്യസംരംഭകർക്ക് സൂര്യ

സുവർണ ജൂബിലി വർഷത്തിൽ പുതിയ വിളയിനങ്ങളും സാങ്കേതികവിദ്യകളുമായി ഐഐഎസ്ആർ

- 

സുഗന്ധവ്യഞ്ജന ഗവേഷണ മേഖലയിലെ മുൻനിര സ്ഥാപനമായ ഭാരതീയ സുഗന്ധവിള ഗവേഷണ കേന്ദ്രം (IISR) സുവർണ ജൂബിലി വർഷത്തിലേക്കു കട ക്കുകയാണ്. വിവിധ സുഗന്ധവിളകളിലായി അത്യുൽപാ ദനശേഷിയുള്ളവ ഉൾപ്പെടെ മുപ്പത്തഞ്ചിലേറെ ഇനങ്ങൾ ഇക്കാലയളവിൽ ഐഐഎസ്ആർ വികസിപ്പിച്ചിട്ടുണ്ട്. സുവർണ ജൂബിലി വർഷത്തിൽ കർഷകർക്കും സംരംഭകർക്കും നേട്ടമുണ്ടാക്കുന്ന പുതിയ കുറെ വിളയിനങ്ങൾ ഐഐഎസ്ആർ പുറത്തിറക്കിയിരിക്കുന്നു.

അടുക്കളത്തോട്ടത്തിലേക്ക് സുരസ

പച്ചക്കറി ആവശ്യത്തിനു വേണ്ടി വികസിപ്പിച്ച രാജ്യത്തെ തന്നെ ആദ്യത്തെ ഇഞ്ചി ഇനമാണ് ഐഐഎസ്ആർ സുരസ. നാരു കുറഞ്ഞ ഇനം. കറികളിൽ ഇഞ്ചി ചേർക്കുമ്പോഴുള്ള കുത്തൽ സുരസയ്ക്കില്ല. മാത്രമല്ല, സ്വീകാര്യമായ രുചിയുണ്ടുതാനും. മലയാളികളുടെ നിത്യപാചകത്തിൽ ഇഞ്ചിക്ക് പ്രധാന സ്ഥാനമുണ്ടല്ലോ. അതുകൊണ്ടു തന്നെ പച്ചക്കറിയിനം എന്ന നിലയിൽ സുരസയ്ക്കു കേരള ത്തിൽ മികച്ച കൃഷി വിപണനസാധ്യതയുണ്ടാവും. അടുക്കളത്തോട്ടക്കാർക്കും ചെറുകിട കർഷകർക്കുമെല്ലാം പരീ ക്ഷിക്കാം. ഹെക്ടറിന് പരമാവധി 24.33 ടൺ വിളവു ലഭിക്കും. ഗ്രോബാഗ് കൃഷിക്കും യോജിച്ചത്. സാധാരണ ഇഞ്ചി ഇനങ്ങളെക്കാൾ വലുപ്പവുമുണ്ട്. ഉൾഭാഗത്തിന് വെള്ള കലർന്ന മഞ്ഞനിറം.

സുഗന്ധിയായി സൂര്യ