വിശ്രമമില്ല, വിരമിക്കലും

ജോലിയിൽ നിന്നു വിരമിച്ചിട്ടും കൃഷിയിലൂടെ തുടർ വരുമാനം

- 

രണ്ടു വർഷം മുൻപ് 2021 ൽ മികച്ച അധ്യാപകനുള്ള സംസ്ഥാന അവാർഡ് വാങ്ങി സർവീസിൽ നിന്നു വിരമിച്ച ഇടുക്കി കട്ടപ്പന തൂക്കുപാലം സ്വദേശി അജിത് കുമാർ 2023 ൽ പുതിയൊരു അവാർഡ് കൂടി വാങ്ങി പഞ്ചായത്തിലെ മികച്ച സമ്മിശ്ര കർഷകനുള്ള പുരസ്കാരം. 2021 വരെ നാമമാത്ര വരുമാനമുണ്ടായിരുന്ന രണ്ടേക്കർ കൃഷിയിടത്തിൽനിന്ന് 2023 വർഷത്തിൽ അജിത് നേടിയതു 10 ലക്ഷം രൂപയിലധികം. അതു പോരേ അവാർഡിന്. 56-ാം വയസ്സിൽ വിരമിച്ച് വിശ്രമജീവിതത്തിന് ഒരുങ്ങേണ്ട ഒരു കാര്യവുമില്ലെന്ന് അജിത്കുമാർ. ആ പ്രായത്തിൽ വിരമിക്കുന്നവരെല്ലാം അതൊരു അവസരമായെടുക്കണം. വ്യത്യസ്തമായൊരു മേഖലയുടെ ത്രില്ലും സന്തോഷവും ആസ്വദിക്കണം.