കെ.പി. അപ്പൻസാറിന്റെ "പ്രളയപ്പേക്കൂത്തുകൾ

വഴിവിളക്കുകൾ

- ശാന്തൻ

ചവറ തെക്കുംഭാഗത്തെ ഗുഹാനന്ദപുരം ഹൈസ്കൂളിൽ പഠിക്കുമ്പോൾ ശാസ്ത്ര സാഹിത്യ പരിഷത്തിന്റെ നേതൃത്വത്തിൽ ഒരു കവിയരങ്ങു നടന്നു. കുരീപ്പുഴ ശ്രീകു മാർ പി. കെ. ഗോപി തുടങ്ങിയ പ്രഗല്ഭരായ പത്തോളം കവികളുടെ കവിത കേട്ട് ഞാൻ ആശാന്തനായി. കവിത എഴുതണമെന്നുള്ള ആഗ്രഹം എന്റെ ഉറക്കം കെടുത്തി. അമ്പലത്തിലെ ഉത്സവത്തിന് അച്ഛൻ എനിക്കൊ രു നീല ബലൂൺ വാങ്ങിത്തന്നു. ബലൂൺ പറത്തിക്കളിക്കുമ്പോൾ ആൾക്കൂട്ടത്തിൽ നിന്ന് ആരോ “ആന വിരണ്ടേ' എന്നു വിളിച്ചു പറഞ്ഞു. തിരക്കിനിടയിൽ എന്റെ നെഞ്ചോടു ചേർന്നിരുന്ന് നീല ബലൂൺ പൊട്ടി. ആ വേദനയിൽ താമസിയാതെ ഞാൻ "ബലൂൺ എന്നൊരു കവിത എഴുതി. ആ കവിത കുട്ടുകാരെയും മലയാളം സാറിനെയും കാണിച്ചു. ഇങ്ങനെയൊന്നുമല്ല കവിത എഴുതേണ്ടത്, നല്ല വൃത്തത്തിൽ കവിത എഴുതണമെന്നു പറഞ്ഞ് സാർ എന്റെ ചന്തിക്ക് ഒരു നുള്ളു തന്നു, നുള്ളു കൊണ്ടപ്പോഴാണ് ഞാൻ ഏഴ് എയിലാണെന്ന ബോധം വന്നത്. സുകുമാരൻ സാറായിരുന്നു കവിതയിലെ എന്റെ ആദ്യ വഴി കാട്ടി.