എന്തൊരു ചേലാണ് നെഞ്ചില് നേരാണ്...

പാട്ടിൽ ഈ പാട്ടിൽ

- ബി.കെ. ഹരിനാരായണൻ

"തുടരും' എന്ന സിനിമയ്ക്കുവേണ്ടി പാട്ടെഴുതാൻ എന്നെ ആദ്യം വിളിച്ചത് സംഗീത സംവിധായകൻ ജെയ്ക്സ് ബിജോയ് ആണ്. അയ്യപ്പനും കോശിയും, പൊറിഞ്ചു മറിയം ജോസ് തുടങ്ങിയ ചിത്രങ്ങളിൽ അദ്ദേ ഹവുമായി പ്രവർത്തിച്ച സൗഹൃദമുണ്ട്. സംവിധായകൻ തരുണിനെ പരിചയമുണ്ടെങ്കിലും ഞങ്ങൾ ഒന്നിക്കുന്ന ആദ്യ സിനിമയാണ് തുടരും.

എന്നാൽ, നിർമാതാവ് രഞ്ജിത്തേട്ടനുമായി എനിക്ക് നല്ല അടുപ്പമുണ്ട്. അദ്ദേഹം നിർമിച്ച "ടൂ കൺട്രീസ്' എന്ന ചിത്രത്തിനായി പാട്ടുകൾ എഴുതിയിട്ടുണ്ട്. "വാനമ്പാടി' എന്ന അദ്ദേഹത്തിന്റെ സീരിയലിനു വേണ്ടിയും ഞാൻ പാട്ടുകൾ എഴുതി. എം.ജയചന്ദ്രൻ സംഗീതം നൽകിയ ഇരുപതിലധികം പാട്ടുകളാണ് വാനമ്പാടിയിലുള്ളത്. ഏറ്റവും കൂടുതൽ പാട്ടുകളുള്ള സീരിയൽ കൂടിയാണത്.