ഡാഷ്ക്യാം; ആഡംബരമല്ല.അവശ്യ ഘടകം

വിപണിയിൽ ലഭ്യമായ ഡാഷ്ക്യാമുകളെ പരിചയപ്പെടാം

- 

വാഹനങ്ങളിലെ ഡാഷ്ബോർഡിൽ ഘടിപ്പിക്കുന്ന ഡാഷ് ക്യാം ഒരു ആഡംബരം ആണോ? പല ആളുകളും കരുതുന്നത് ഇതൊരു ആഡംബരമാണെന്നാണ്. എന്നാൽ നിങ്ങളുടെ വാഹനത്തിന്റെ സേഫ്റ്റിയുമായി ബന്ധപ്പെട്ട ഒരു ഘടകമാണ് ഡാഷ് ക്യാം. പുതിയ വാഹനം വാങ്ങുമ്പോൾ ഇപ്പോൾ പലരും നിർദേശിക്കുന്ന ഒരു സുരക്ഷ ഫീച്ചറാണ് ഡാഷ് ക്യാം. ചില വാഹനങ്ങളിൽ അത് ഇൻബിൽട്ടായിത്തന്നെ വരുന്നുണ്ട്. എന്നാൽ അതില്ലാത്ത വാഹനങ്ങളിൽ ആഫ്റ്റർ മാർക്കറ്റ് ആക്സസറിയായി നിരവധി പേർ തങ്ങളുടെ വാഹനങ്ങളിൽ ഘടിപ്പിക്കുന്നുണ്ട്. അതിനുകാരണം മറ്റൊന്നുമല്ല, അപകടങ്ങളും കുറ്റകൃത്യങ്ങളും ഒപ്പിയെടുക്കാൻ ഡാഷ് ക്യാം സഹായിക്കുമെന്നതാണ്. ഒരു അപകടം സംഭവിച്ചാൽ, ആരാണ് തെറ്റ് ചെയ്തതെന്ന് തെളിയിക്കാൻ ഡാഷ് ക്യാം ഫൂട്ടേജ് സഹായിക്കും. ഇത് ഇൻഷുറൻസ് ക്ലെയിമുകളും പൊലീസ് റിപ്പോർട്ടുകളും ഫയൽ ചെയ്യുന്നത് എളുപ്പമാക്കും. വിപണിയിൽ ലഭ്യമായ ബജറ്റ് ഫ്രണ്ട്ലി ഡാഷ് ക്യാമുകളെ പരിചയപ്പെടാം.

1) Qubo Dashcam Pro X

ഇന്ത്യൻ ഉപഭോക്താക്കൾക്ക് അനുയോജ്യമായ ഒരു ബജറ്റ് ഫ്രണ്ട്ലി ഡാഷ് ക്യാം ആണ് Qubo Dashcam Pro X. 3MP CMOS ഇമേജ് സെൻസറുള്ള ഫുൾ എച്ച്ഡി 1296p റെക്കോർഡിങ്ങാണി തിൽ. കുറഞ്ഞ വെളിച്ചത്തിൽ പോലും വ്യക്തമായ ദൃശ്യങ്ങൾ പകർത്താൻ ഇതു സഹായിക്കും. വൈഡ് ആംഗിൾ ലെൻസാണി തിൽ വരുന്നത്. 360 ആംഗിളിൽ കറങ്ങാൻ കഴിയുന്ന ലെൻസായതിനാൽ വ്യത്യസ്ത ആംഗിളുകളിൽ വിഡിയോ റെക്കോർഡ് ചെയ്യാം. വൈഫൈ കണക്ടിവിറ്റിയിലൂടെ ക്യൂബോ ആപ് വഴി എളുപ്പത്തിൽ വിഡിയോ ട്രാൻസ്ഫർ ചെയ്യാം. എന്നാൽ ജിപിഎസ്, വോയിസ് കൺട്രോൾ ഫീച്ചറുകൾ ഇതിലില്ല. ഒരു ടെക്നീഷന്റെ സഹായമില്ലാതെ Dashcam Pro X വാഹനത്തിൽ ഘടിപ്പിക്കാവുന്നതാണ്. 12.19 x 7.11 x 3.05 സെ.മി. വലുപ്പത്തിൽ വരുന്ന ഈ ഡിവൈസിന്റെ ഭാരം 821 ഗ്രാം ആണ്. സ്പേസ് ഗ്രേ, ആൽപൈൻ ഗ്രീൻ, മിഡ്നൈറ്റ് ബ്ലൂ എന്നീ മൂന്നു നിറങ്ങളിലാണ് Qubo Dashcam Pro X വരുന്നത്. ആമസോൺ, ഫ്ലിപ്കാർട്ട്, ക്യുബോയുടെ ഔദ്യോഗിക വെബ്സൈറ്റ് എന്നിവയിലൂടെയാണ് വിൽപന. 5,990 രൂപ വിലയുള്ള Dashcam Pro X ഓഫറിൽ 2,990 രൂപ മുതൽ ലഭ്യമാണ്.

മറ്റു സവിശേഷതകൾ