Audi e-tron GT

റേഞ്ച് 500 കിമീ

- 

ഔഡിയുടെ ഇലക്ട്രിക് എക്സിക്യൂട്ടീവ് സെഡാൻ, 2018 ലെ ലോസാഞ്ചലസ് ഓട്ടോഷോയിലാണ് കൺസെപ്റ്റിന്റെ ആദ്യ പ്രദർശനം. തുടർന്ന് 2019 ജനീവ ഓട്ടോഷോയിലും പ്രദർശിപ്പിച്ചു. 2021 ൽ പ്രൊഡക്ഷൻ മോഡൽ രാജ്യാന്തര വിപണിയിലെത്തി. ആ വർഷം തന്നെ ഇന്ത്യയിലും. പോർഷെ ടൈകാൻ നിർമിച്ച ജ1 പ്ലാറ്റ്ഫോമിൽ തന്നെയാണ് നിർമാണം.

ഡിസൈൻ

 "ലോകത്തിലെ ഏറ്റവും ഭംഗിയുള്ള കാറി'നുള്ള 2021ലെ പുരസ്കാരം ഔഡിയുടെ "ഇ ട്രോൺ ജിടി' സ്വന്തമാക്കിയിട്ടുണ്ട്. സ്പോർട്സ് കാറിന്റെ അടിമുടി ഒരു ഭംഗിയാണ് ഇ ട്രോൺ ജി ടിക്ക്, അഴകു വഴിയുന്ന ഏയ്റോഡൈനമിക് രൂപവും പ്രകടമായ ഗ്രില്ലും പകിട്ടേറിയ എൽഇ ഡി ഹെഡ്ലൈറ്റ് യൂണിറ്റും ടർബൈനിനെ അനുസ്മരിപ്പിക്കുന്ന അലോയ് ഡിസൈനുമൊക്കെ ചേർന്നാണ് "ഇ ട്രോൺ ജിടി'യെ അത്യാകർഷകമാക്കുന്നത്.