സ്കിൻ സൈക്ലിങ്

ചർമസൗന്ദര്യം കാക്കാൻ വളരെ കുറച്ച് ഉൽപന്നങ്ങൾ ചിട്ടയായി ആവർത്തിച്ച് ഉപയോഗിക്കുന്ന രീതിയാണ് സ്കിൻ സൈക്ലിങ്

- അമ്മു ജൊവാസ്

സോഷ്യൽ മീഡിയ തുറന്നാൽ ഇപ്പോൾ ഈയൊരു വാക്കേ കേൾക്കാനുള്ളൂ. സെലിബ്രിറ്റികളടക്കം പലരും പറയുന്നു അവരുടെ ചർമസൗന്ദര്യത്തിന്റെ രഹസ്യം സ്കിൻ സൈക്ലിങ് ആണെന്ന്. എന്താണു സംഭവം ? എന്തുകൊണ്ടാണ് ഈ സൈക്ലിങ് ഇത്ര ട്രെൻഡിങ് ആയത്? ഇനിയാണു പ്രധാനപ്പെട്ട ചോദ്യം. ഇതു നമുക്കും പരീക്ഷിച്ചു നോക്കാവുന്നതാണോ ?

എന്താണ് സ്കിൻ സൈക്ലിങ് ?

പലതരം സൗന്ദര്യപരിപാലന ഉൽപന്നങ്ങൾ ഉൾപ്പെടുത്തി ചർമത്തെ ശ്വാസം മുട്ടിക്കാതെ ചർമത്തിന്റെ അഴകു കാക്കുന്ന രീതിയാണു സ്കിൻ സൈക്ലിങ്.

ചർമം സുന്ദരമായിരിക്കാനും ചർമപ്രശ്നങ്ങളെ വരുതിയിലാക്കാനും പരിചരണം ആവശ്യമാണ്. രാവിലെയും രാത്രിയും പാലിക്കേണ്ട സ്കിൻ കെയർ റുട്ടീനുകൾ പലതുണ്ട്. അതിൽ ഒരു രീതിയാണു സ്കിൻ സൈക്ലിങ്, ഇതൊരു ഫോർ നൈറ്റ് റുട്ടീൻ ഫോർമുലയാണ്. ആക്ടീവ് ഇൻഗ്രീഡിയന്റ്സ് ആയ റെറ്റിനോയ്ഡ്സ്, എക്സ്ഫോളിയന്റ്സ് ഇവ നിശ്ചിത്രക്രമത്തിൽ ഉപയോഗിക്കുന്ന ഈ പരിപാലന രീതി എങ്ങനെയെന്നു മനസ്സിലാക്കാം.

ഫെയ്സ് വാഷ് ഉപയോഗിച്ചു മുഖം വൃത്തിയാക്കി ഈർപ്പം മാറ്റിയ ശേഷമാണ് എക്സ്ഫോളിയനും റെറ്റിനോളും മോയിസ്ചറൈസറുമൊക്കെ പുരട്ടേണ്ടത്.

ഒന്നാം രാത്രി - എക്സ്ഫോളിയന്റ്

എഎച്ച്എ, ബിഎച്ച്എ എന്നിങ്ങനെയുള്ള കെമിക്കൽ എക്സ്ഫോളിയന്റ്സ് ഉപയോഗിക്കുന്നു. ഗ്ലൈകോളിക് ആസിഡ്, ലാക്ടിക് ആസിഡ് എ ന്നിവയൊക്കെ എഎച്ച്എ ആണ്. സാലിസിലിക് ആസിഡ് ബിഎച്ച്എ ആണ്.

ചർമത്തിലെ മൃതകോശങ്ങൾ അകറ്റുക, ചർമസുഷിരങ്ങൾ വൃത്തിയാക്കുക, മുഖക്കുരുവിനെ വരുതിയിലാക്കുക, ചെറിയ തോതിലുള്ള പിഗ്മെന്റേഷൻ പരിഹരിക്കുക എന്നിങ്ങനെ എക്സ്ഫോളിയന്റ് സിനു പല ഗുണങ്ങളുണ്ട്.

രണ്ടാം രാത്രി - റെറ്റിനോൾ

വൈറ്റമിൻ എ ഡെറിവേറ്റീവ് ആയ റെറ്റിനോൾ പുരട്ടുന്നു.