വീണ്ടും നീയെൻ കരം പിടിച്ചാൽ...

വനിതയുടെ കവർഗേളായെത്തിയ രേഷ്മ സെബാസ്റ്റ്യൻ കരം സിനിമയിലൂടെ നായികാ റോളിൽ

-  അമ്മു ജൊവാസ്

ആ വഴിത്തിരിവിന് 14 വർഷം

ഡിഗ്രി ഫൈനൽ ഇയർ പഠിക്കുമ്പോഴാണു വനിതയുടെ കവർ ഗേൾ മത്സരത്തിന്റെ പരസ്യം ശ്രദ്ധയിൽ പെടുന്നത്. സ്റ്റുഡിയോയിൽ പോയി കുറച്ചു ഫോട്ടോസ് എടുത്തെങ്കിലും എന്റെ സുഹൃത്താണു ബാഗിൽ സൂക്ഷിച്ചിരുന്ന ആ ചിത്രങ്ങൾ അയയ്ക്കുന്നത്.

അധികം വൈകാതെ വനിതയിൽ നിന്ന് എന്നെ തേടി കോൾ വന്നു; “യു ആർ സെലക്ടഡ്'. അതൊരു വഴിത്തിരിവായി. എബ്രിഡ് ഷൈനിനെ പോലൊരു ക്രിയേറ്റീവ് പേഴ്സന്റെ ക്യാമറയിലൂടെ മോഡലിങ് ലോകത്തേക്ക് ചുവടു വയ്ക്കാനായതിൽ ഐ ഫീൽ സോ ബ്ലെസ്ഡ്. 14 വർഷമായി എന്നു ചിന്തിക്കുമ്പോൾ അതിശയമാണ്.

എന്റെ മുഖചിത്രമുള്ള വനിത വാങ്ങാൻ സുഹൃത്തുക്കൾക്കൊപ്പം പോയതൊക്കെ ഇന്നലെയന്ന പോലെ ഹൃദയത്തിലുണ്ട്. പഠനം കഴിഞ്ഞതും യുഎസ്ടിയിൽ ജോലി ലഭിച്ചു. ഉള്ളിൽ പാഷനായി മോഡലിങ് ഉണ്ടായിരുന്നെങ്കിലും ജോലിയിൽ ശ്രദ്ധിക്കാനായിരുന്നു തീരുമാനം.