ராமாயணத்தில் வாழ்க்கைத் தத்துவங்கள்!

இந்திய இதிகாசங்களில் ராமாயணத்துக்கு முக்கிய இடம் உண்டு. அது தீமையை, நன்மை வெல்லும் என காட்டியது!.

- ராஜிராதா

ராமாயணம் நம்மைப் போன்ற சாதாரண கதாபாத்திரங்களால் ஆனது. நாம் படும் கஷ்டங்களை ராமரும் சீதையும் பட்ட கஷ்டங்களை அமைதியாகவும், உறுதியுடனும் இருந்து எப்படி சமாளிக்க வேண்டும் என்பதை நமக்கு சொல்லிக் கொடுத்துள்ளனர். சாதாரண மனிதன் முதல் மன்னன் வரை எல்லாருக்கும் கஷ்டங்கள் அவரவர் நிலைக்கு ஏற்ப உண்டு. அவற்றை பயப்படாமல் எதிர் கொண்டு வெற்றி பெறுவதின் அவசியத்தையும் சொல்லிக் கொடுக்கிறார்கள்.

தந்தையின் கட்டளையை அது அவருக்கு எதிராக இருந்தாலும், ஏற்று கானகத்திற்கு ராமர் சென்றார். அண்ணனுக்கு ஒரு சங்கடம் என்றால், அதில் பங்கேற்பது தனது கடமை என நாட்டையும் மனைவியையும் பின்னுக்கு தள்ளி அண்ணனுடன் சென்ற லட்சுமணன் செயல் கடமையின் வெளிப்பாடு.

சீதையை கண்டுபிடித்து உண்மையறியாமல் இலங்கையிலிருந்து திரும்பமாட்டேன் என்று செயல்பட்ட அனுமானின் கடமை தர்மத்திற்கு ஈடு இணை இல்லை..

ஒற்றுமை மற்றும் கூட்டின் சக்தி...!

ராவணனை ராமன் வென்றது கூட்டு முயற்சியின் சக்தியை காட்டுகிறது. லட்சுமணன், அனுமான் ஜாம்பவான், வானரபடை ஆகியோரின் பங்கை குறைத்து மதிப்பிட இயலுமா?!

லட்சுமணன் மற்றும் வானர படையினர் அஸ்திரத்தால் மயங்கி விழுந்த போது அவர்களை எழவைக்க பயன்படும் மூலிகை இமயமலையில் உள்ளது, அதனை போய் எடுத்து வா என ஜாம்பவான் கூறியிருக்காவிடில் ராமர் நிர்கதியாக அல்லவா ஆகியிருப்பார். ஆக எதிலும் கூட்டாக ஈடுபட்டால் வெற்றிநிச்சயம்