எதிர்பார்ப்புகள் நிறைய இருக்கு!

நெடுஞ்சாலை படம் மூலம் தமிழ் திரையுலகில் கால் பதித்தவர் நடிகை ஷிவதா. ஜீரோ, அதே கண்கள், மாறா, நித்தம் ஒரு வானம்,தீரா காதல் உள்பட பல படங்களில் நடித்துள்ள இவர் திரைத்துறையில் 10வருடங்களைக் கடந்துள்ளார்.

- தவா

இந்த ஆண்டு வித்தியாசமான பல கேரக்டர்களில் கமிட் ஆகியுள்ள ஷிவதா, அடுத்தகட்ட வளர்ச்சியை எதிர்நோக்கி உள்ளார். அவருடன் ஒரு அழகான சிட்சாட்.

என்ன மாதிரி படங்களில் நடிக்க விரும்புறீங்க?

அந்த மாதிரி தனிப்பட்ட எண்ணங்கள் கிடையாது. சுவாரஸ்யமான சப்ஜெக்ட் வரும் போது அதில் நல்ல கதைகளை தேர்வு செஞ்சு நடிக்கிறேன். ஸ்கிரிப்ட் படிக்கும் போதே அந்த கேரக்டர் கூட என்னை கனெக்ட் பண்ணிக்க முடியுதான்னு பார்ப்பேன்.

சின்ன கேரக்டரா இருந்தாலும் அதன் மூலம் ஆடியன்ஸ் மனதில் தாக்கத்தை ஏற்படுத்தணும். ஒரு வருசத்தில் ரெண்டு, மூணு தமிழ், மலையாள படங்களில் நடிக்கணும் 'னு நான் நினைக்கல. பேமிலியோட நேரம் செலவிட விரும்புறேன். அதனால் அதிகமான படங்கள் நடிக்க விரும்பல.

ஒரே மாதிரியான டைப் கேரக்டர்களில் நடிக்குறதா நினைக்குறீங்களா?