டபுள் ஆக்ஷன்

குழந்தை இல்லாத ஒரு தம்பதிக்கு 15 வருடம் கழித்து ஒரு ஆண் குழந்தை பிறக்கிறது.

- 

ஆனால் பிறந்த உடனே குழந்தை இறந்து விட, கடவுள் அருளால் அதிசயமாய் குழந்தை திடீரென உயிர்பெறுகிறது.

ஆனால் அந்த குழந்தை காலை 6 மணி முதல் மாலை வரை பெண்ணாகவும், மாலை 6 மணிக்கு மேல் விடியும் வரை அதே குழந்தை ஆணாகவும் மாறுகிறது. அதாவது ஒரே உடலில் இரு உயிர்கள் வசிக்கின்றன. அந்த குழந்தைக்கு பொதுவாக ரஜினி என பெயர் வைக்கிறார்கள்.

இந்தநிலையில் பெற்றோர் இறந்து விட, ரஜினி தனிமரமாகிறாள்(றான்). தன் பெற்றோருக்கு மகளே (ரேஷ்மா) கடைசி காரியங்களை செய்து விட, அன்றிரவு தன் பெற்றோர் இறந்து போனதை போட்டோவில் மாலை மாட்டியதைப் பார்த்து தான் தெரிந்து கொள்கிறான் ஆண் ரஜினி (சந்தோஷ்).

சென்னையில் மரபணு சோதனை செய்யும் ஒரு நிறுவனத்தில் வேலைக்கு சேரும் ரேஷ்மா, பகலில் அங்கு வேலை செய்ய... அவளிடம் நட்பாகப் பழகி நெருக்கமாகிறான் கார்த்திக் (வினோத் கிஷன்).

மறுபுறம் 6 மணிக்கு மேல் ஒரு பாரில் வேலை செய்யும் சந்தோஷுக்கு பப்புக்கு வரும் பிரியாவை (சம்யுக்தா) பார்த்ததுமே பிடித்துப் போகிறது.