ஈஸ்ட் கோஸ்ட் கடலில் காணாமல்போன 11 வயது சிறுவனின் உடல் கண்டெடுப்பு

ஈஸ்ட் கோஸ்ட் பூங்காவுக்கு அருகே உள்ள கடற்பகுதியில் இருந்து சிறுவன் ஒருவனின் உடலை நேற்று முன்தினம் சிங்கப்பூர் குடிமைத் தற்காப்புப் படை மீட்டது.

- 

சனிக்கிழமை மாலை 9.55 மணியளவில் தகவல் கிடைத்ததைத் தொடர்ந்து காவல்துறை அங்கு விரைந்தது.

அப்போது கடலில் சிறுவனின் உடல் மிதந்து கொண்டிருந்தது. அங்கு வந்த சிங்கப்பூர் குடிமைத் தற்காப்புப் படை, சிறுவனின் உடலை மீட்டு கரை சேர்த்தது. நேற்று விடியற்காலை (ஆகஸ்ட் 31) சிறுவனின் உடல் காவல்துறை வாகனத்தில் எடுத்துச் செல்லப்பட்டது.

இதற்கிடையே கண்டுபிடிக்கப்பட்ட உடல், காணாமல்போன 11 வயது முஹமட் ஹைரில் எஃபெண்டி என்பதை காவல்துறை உறுதிப்படுத்தியது.