தலைசிறந்த விருதுகள் பெற்ற மாணவர்கள்

கல்வி, இரு மொழி, திறன் மேம்பாடு உள்ளிட்ட பல்வேறு வகைகளில் சிறந்து விளங்கும் மாணவர்களுக்குச் சிறப்பு விருதுகள் ஆண்டுதோறும் வழங்கப்பட்டு வருகின்றன.

- லாவண்யா வீரராகவன்

இவ்வாண்டு 206 மாணவர்கள் பிரதமர் புத்தகப் பரிசு, கணிதம், அறிவியலுக்கான லீ குவான் யூ விருது, திறன்மேம்பாட்டை ஊக்குவிக்கும் லீ குவான் யூ விருது உள்பட 11 விருதுகளைப் பெற்றனர்.

விருதுபெற்ற மாணவர்கள் - (இடமிருந்து) கேசவன் அவந்திகா, ரோஹன் செந்தில், ஆகாஷ் தியாகராஜன், பிரியாந்த் பரிமேலழகன். படம்: பெரித்தா ஹரியான்

லாவண்யா வீரராகவன்

சிங்கப்பூர்த் தேசியப் பல்கலைக்கழகத்தில் ஆகஸ்ட் 26ஆம் தேதி நடைபெற்ற விருது வழங்கும் விழாவில், கல்வி அமைச்சரும், சமூக சேவைகளின் ஒருங்கிணைப்புக்குப் பொறுப்பு வகிக்கும் அமைச்சருமான டெஸ்மண்ட் லீ சிறப்பு விருந்தினராகப் பங்கேற்றார்.

விருதுகள் பல பெற்ற ரோஹன்

நன்யாங் பலதுறைத் தொழிற்கல்லூரியில் பயின்று தற்போது தேசிய சேவையாற்றக் காத்திருக்கும் அவர், கணக்கு, அறிவியல் பாடங்களுக்கான லீ குவான் யூ விருது, தலைசிறந்த அனைத்துத் துறைச் சாதனையாளருக்கான லீ சியன் லூங் விருது, லீ சியன் லூங் இருவழி மின்னிலக்க ஊடக அறிவார்ந்த தேச விருது ஆகிய மூன்று விருதுகளைப் பெற்றுள்ளார் ரோஹன் செந்தில்.

உயர்நிலைப் பள்ளிக் காலத்தில் இணையப்பாதுகாப்புத் துறைமீது ஆர்வம் பிறந்ததாகவும், அதனைப் பயன்படுத்திச் சமூகத்தில் தாக்கம் ஏற்படுத்தும் வகையிலான திட்டங்களை மேற்கொள்ள வேண்டும் என விரும்புவதாகவும் சொன்னார் ரோஹன்.