சிரமமான முடிவெடுக்கும் துணிச்சலான உள்துறைத் தலைவர்கள் தேவை: எட்வின் டோங்

சிங்கப்பூரில் போதைப்பொருள், வெறுப்புணர்வைத் தூண்டும் பேச்சு, போலித் தகவல், ஆர்ப்பாட்டங்கள் போன்றவற்றுக்கு இடமில்லை. அவற்றைக் களைவதற்கு சில நேரங்களில் சிரமமான முடிவுகள் தேவை.

- கீர்த்திகா ரவீந்திரன்

அந்தச் சிரமமான முடிவுகளை எடுக்கக்கூடிய துணிச்சலான உள்துறை சீருடைப் பிரிவுத் தலைவர்கள் தேவை என்று சட்ட அமைச்சரும் உள்துறை இரண்டாவது அமைச்சருமான எட்வின் டோங் தெரிவித்துள்ளார்.

மரினா பே சேண்ட்ஸ் எக்ஸ்போ, மாநாட்டு நிலையத்தில் புதன்கிழமை (ஆகஸ்ட் 13) நடைபெற்ற சிங்கப்பூர்க் காவல்துறை, உள்துறை அமைச்சு உபகாரச் சம்பளம் வழங்கும் நிகழ்ச்சியில் அவர் சிறப்பு விருந்தினராகக் கலந்துகொண்டு உரையாற்றினார்.

சிங்கப்பூர்க் காவல்துறையும் உள்துறை அமைச்சும் இவ்வாண்டு 42 பேருக்கு உபகாரச் சம்பளம் வழங்கின.