காஸா நகர் போர் மண்டலமாக அறிவிப்பு

காஸாவின் மிகப் பெரிய பகுதியான காஸா நகரை இஸ்ரேல் வெள்ளிக்கிழமை போர் மண்டலமாக அறிவித்தது.

- 

பாங்காக், ஆக. 29: கம்போடியாவின் முன்னாள் பிரதமர் ஹன் சென்னு டனான சர்ச்சைக்குரிய தொலைபேசி உரையாடல் தொடர்பாக, தாய்லாந்து பிரதமர் பேடோங் டார்ன் ஷினவத்ராவை அந்த நாட்டு அரசியல் சாசன நீதிமன்றம் பதவி நீக்கம் செய்து வெள்ளிக்கிழமை உத்தரவிட்டது.

தாய்லாந்துக்கும் கம்போடியாவுக் கும் இடையே நீண்டகால எல்லைப் பிரச்னை உள்ளது. அதன் ஒரு பகுதியாக, இரு நாட்டுப் படையினருக் கும் கடந்த மாதம் நடந்த மோதலில் 41 பேர் உயிரிழந்தனர். பின்னர் மலேசியா செய்துவைத்த மத்தியஸ்தத்தின் பேரில் இரு நாடுகளும் சண்டை நிறுத்தம் மேற்கொண்டன.

அதற்கும் முன்னர், எல்லைப் பகுதியில் இரு நாட்டுப் படையினருக்கும் இடையே கடந்த மே 28-ஆம் தேதி மோதல் ஏற்பட்டது. இதில் ஒரு கம்போடிய வீரர் உயிரிழந்தார்.

இந்த விவகாரம் தொடர்பாக இரு நாடுகளுக்கும் இடையே பதற்றம் உச்சத்தில் இருந்தபோது, கம்போடியாவின் முன்னாள் பிரதமரும், அந்த நாட்டு மேலவையான செனட் அவை யின் தற்போதைய தலைவருமான ஹன் சென்னுடன் பிரதமர் பேடோங் டார்ன் கடந்த ஜூன் 15-இல் தொலை பேசியில் உரையாடினார். இந்த உரையாடல் பதிவு பின்னர் வெளியில் கசிந்து மிகப் பெரிய சர்ச்சையை ஏற்படுத்தியது.

அந்த உரையாடலின்போது, தனது தந்தையும், முன்னாள் தாய்லாந்து பிரதமருமான தக்சின் ஷினவத்ராவின் நண்பர் ஹன் சென்னை ‘அங்கிள்’ என்று நெருக்கத்துடன் அழைத்த பேடோங்டார்ன், கம்போடியாவுக்கு ஆதரவாகவும், தாய்லாந்து நலன்க ளுக்கு எதிராகவும் பேசியதாகக் குற்றஞ்சாட்டப்படுகிறது.